Aýa raıy
Astana 2 °S
Almaty 7 °S
valıýta baǵamy
USD 389.94
EUR 433.50
RUB 6.10
CNY 55.13

Semeılikter «Astanamyz - Nur-Sultan» patrıottyq aktsııasyn ótkizdi

2019 jyldyń 25 naýryz 2019 21:35

SEMEI. QazAqparat - Semeıde «Astanamyz - Nur-Sultan» atty patrıottyq aktsııa ótti. Bul týraly QazAqparat Semeı aqparattyq ortalyǵyna silteme jasap habarlaıdy.

Bas qalanyń atyn Elbasy qurmetine ózgertý bastamasyn semeılikter de qoldady. Osyǵan oraı Abaı atyndaǵy teatrda patrıottyq aktsııa uıymdastyryldy. Sharaǵa qaladaǵy iri kásiporyndar qyzmetkerleri, eńbek ujymdary, muǵalimder men dárigerler jəne qala turǵyndary jınaldy. Barlyǵy myńǵa jýyq adam qatysty.​

Babalar amanaty men el senimin arqalaǵan Elbasy esimin Elordaǵa berý Nursultan Nazarbaevtyń ólsheýsiz eńbegin ádil baǵalaýdyń jarqyń kórinisi degen pikirde.

«Kúrmeýi qıyn másele, kúrderi suraqtar men taǵdyrly sheshim qabyldaý jaýapkershiligin moınyna alǵan Elbasy bedeli, salmaqty oıy men sarabdal saıasaty, búginde, jahan jurtyna úlgi, ónege. Nursultan Ábishulynyń tikeleı bastamasymen Qazaqstan saıası, ekonomıkalyq, rýhanı jańǵyrýǵa bet alyp, aýqymdy reformalardy oryndap keledi. Elordamyzǵa Nur-Sultan atyn berýdi, Elbasynyń ólsheýsiz eńbegin ádil baǵalaýdyń jarqyń kórinisi dep qabyldaımyz»,-dedi E. Səlimov.




null

Aktsııaǵa qatysýshylar Nursultan Ábishulynyń eń mańyzdy sheshimderiniń biri Semeı polıgonynyń jaýyp, ony beıbit maqsatta qoldaný týraly Qaýlysy ekenin atap ótti.

«Elbasymyzdyń bul áreketin álemniń barlyq saıasatkerleri quptaǵan bolatyn. Sondyqtan, Qasym-Jomart Kemelulynyń Jarlyǵymen astanamyzǵa Nur-Sultan ataýynyń berilýi - zańdy qubylys», - dedi QR eńbek sińirgen qaıratkeri Arap Espenbetov.

Elordaǵa Qazaqstannyń Tuńǵysh Prezıdentiniń esimin berýdi qoldap jastar uıymdarynyń kóshbasshylary da sóz sóıledi.

«Qazaqstan halqynyń baqytty ómiri, baıandy bolashaǵy úshin bar qajyr- qaıratymen eleýli eńbek atqarǵan Tuńǵysh Prezıdentimizge Semeı jastarynyń atynan alǵys aıtamyn» - dedi «Jas Otan» jastar qanaty Semeı qalalyq bólimshesiniń jetekshisi Almas Aıtmuqash.

Aktsııa merekelik kontsertke ulasty.

Joǵary qaraı