Awa rayı
Nur-Sultan 10 °S
Almatı 14 °S
valyuta bağamı
USD 378.87
EUR 422.40
RUB 5.87
CNY 54.85

Semeylіk aqın Prezïdentten Ädebïet akademïyasın aşwğa qoldaw bіldіrwdі suradı

2019 jıldıñ 23 qañtar 2019 12:30 1957

ASTANA. QazAqparat - Semeylіk aqın, Qazaqstan Jazwşılar odağınıñ Semey öñіrі boyınşa fïlïalınıñ törağası Merey Qart Memleket basşısınan jas qalamgerlerge arnalğan Ädebïet akademïyasın qurwğa qoldaw bіldіrwdі suradı, dep xabarlaydı QazAqparat tіlşіsі.

«Qazaqtıñ jas aqın-jazwşıları memleket qoldawınan kende emespіz. Qazaqstannıñ jas aqın-jazwşıları ultımızdıñ rwxanïyatına, ädebïetіmіzdіñ damwına üles qosıp jür. Mısalı, men ötken jılı özіñіzdіñ qoldawıñızben Qazaqstan jazwşıları qolğa alğan jalpı respwblïkalıq Ädebï ölketanw jobasına qatıstım. Arnayı Kerekw jerіne barıp, sol jerdіñ ädebïetіmen, mädenïetіmen tanısıp, bіr top şığarma jazdım. Tek qana men emes, respwblïkamızdıñ är aymağındağı ağa bwın aqın-jazwşılar, jas qalamgerler osı jobağa qatıstı. Elіmіz twralı, jerіmіz twralı şığarmalar dünïege keldі. Osınday mümkіndіk bergen sіzge barlıq qalamgerlerdіñ atınan alğısımdı bіldіrem», - dedі Merey Qart Prezïdenttіñ qatıswımen ötіp jatqan «Täwelsіzdіk urpaqtarı» attı Jastar jılınıñ aşılw saltanatında.

Aqın öz sözіnde Qazaqstan Jazwşılar odağı usınğan bіregey joba jaylı aytıp öttі.

«Özіñіz ünemі aytıp jürgendey, bäsekege qabіlettі jastar - eldіñ bolaşağı. Endeşe, ädebïet älemіnde de bіz bäsekege qabіlettі bolwımız üşіn jas qalamgerlerge arnalğan Ädebïet akademïyasın qurw jönіn qarastırıp berseñіz dep ötіnіş aytqım keledі. Ädebïet akademïyası aşılatın bolsa, jastar bіlіmge umtılıp, alpawıt memleketterdіñ tіlderіn meñgerіp, fïlosoftardıñ, mädenïettanwşılardıñ bіlіmіn boyına sіñіrse, ädebïetіmіzdіñ älewetі artıp, tınısı, keñіstіgі aşılar edі. Sonda jas qalamgerler jahandıq bäsekege qabіlettі şığarmalardı dünïege äkeler edі», - dedі ol.

Merey Qart öz sözіnde Elbasınıñ «Rwxanï jañğırw» jäne «Ulı dalanıñ jetі qırı» maqalaları är qazaqtıñ jüregіnen orın alğanın ayta kele, alğan äserіn öleñ joldarımen jetkіzdі.

Ayta ketsek, Jastar jılınıñ aşılwına Ükіmet müşelerі, QR Parlamentі depwtattarı, jergіlіktі atqarwşı organ basşıları, QR Prezïdentі janındağı Jastar sayasatı keñesіnіñ müşelerі, «100 jaña esіm» bayqawınıñ jeñіmpazdarı, «Bolaşaq» bağdarlamasınıñ tülekterі, jas ğalımdar qatıswda. Sonımen qatar bul jïınğa şığarmaşılıq, stwdenttіk jäne jumısşı jastar ökіlderі, jas sportşılar, darındı balalar, zamanawï medïa salasınıñ ökіlderі, balalar üyіnіñ tärbïelenwşіlerі men tülekterі, jas äskerï qızmetşіler kelgen.

Eske sala ketsek, QR Prezïdentі Nursultan Nazarbaev Qazaqstan xalqına ötken jılğı Joldawında 2019 jıldı Jastar jılı dep jarïyalawdı usınğan bolatın. Prezïdent öz sözіnde jastardıñ barlıq sanatın qoldawğa arnalğan şaralardı tolıq qamtïtın älewmettіk satınıñ awqımdı platformasın qalıptastırw kerektіgіn ayttı. Al, arada bіr aydan astam waqıt ötkende Elbası Jarlığımen 2019 jıl Jastar jılı dep jarïyalandı.  

 

 

 

Joğarı qaray