Awa rayı
Astana -11 °S
Almatı -6 °S
valyuta bağamı
USD 371.56
EUR 422.43
RUB 5.56
CNY 53.51

Semeyde mäskewlіk rejïsser rwmındıq jazwşınıñ spektaklіn qoymaq

2018 jıldıñ 22 qırküyek 2018 07:35 133

SEMEY. QazAqparat - Semeydegі F. Dostoevskïy atındağı teatr kezektі qoyılımğa dayındalwda. Bul jolı körermenge rwmındıq jazwşı Mïxaïl Sebastyannıñ «Bezımyannaya zvezda» spektaklі usınıladı, dep xabarlaydı QazAqparat.

Teatrdıñ ärtіsterі spektakldі qoyu üşіn dayındıqtı bastap kettі. Belgіlі pesanı mäskewlіk «Sovremennïk» teatrınıñ rejïsserі Oleg Plaksïn qoyadı. Ol körermenge osı spektakldі usınw üşіn arnayı Semeyge kelgen.

Ayta ketw kerek, jergіlіktі körermenge mäskewlіk rejïsser semeylіk teatr saxnasında qoyılğan bіrqatar qoyılımdarımen tanımal.

Oleg Plaksïnnıñ sözіnşe, atalmış spektakl maxabbat, şığarmaşılıq jäne jalğızdıq jaylı. «Ärbіr körermen özіne tanıs jayttı köre aladı. Bastısı - ol maxabbat, tañdaw, kündelіktі qalıptasqan jayttan şığwğa degen quştarlıq. Bіzdіñ spektakl fïlmnen özgeşelenedі. Bіz bul jağdayğa basqa turğıda qaraymız», - deydі rejïsser.

Atap ötetіn jayt, keñestіk körermen Anastasïya Vertïnskaya men Ïgor Kostolevskïy bastı keyіpkerlerdі somdağan, pesa jelіsі boyınşa tüsіrіlgen fïlіmdі jaqsı bіledі. Eger fïlmde 30-şı jıldardağı Rwmınïyadağı tragedïyalıq oqïğalar körіnіs tapsa, rejïsser Oleg Plaksïnnіñ qoyılımında adamnıñ іşkі alañdawşılığına män berіlgen.

Spektakl F. Dostoevskïy atındağı drama teatrı saxnasında 29-30 qırküyek künі qoyıladı.

Joğarı qaray