Aýa raıy
Astana -2 °S
Almaty 6 °S
valıýta baǵamy
USD 389.98
EUR 434.01
RUB 6.10
CNY 55.04

Semeıde iri kólemde aqsha jymqyrǵan mektep býhgalteri sottaldy

2019 jyldyń 26 naýryz 2019 14:37

SEMEI. QazAqparat - Semeıde iri kólemde aqsha jymqyrǵan mektep býhgalteri sottaldy. 41 jastaǵy esepshi áıel 3 jyldan beri ózi qyzmet etetin Aınabulaq jalpy negizgi bilim beretin mekteptiń aqshasyn jymqyryp kelgen, dep habarlaıdy QazAqparat.

Laýazymyn asyra paıdalanǵan esepshi Sholpan Sagıdollına 2016 jyldyń qańtar aıynan 2018 jyldyń qyrkúıek aıy aralyǵynda mektep qajettiligi úshin bólingen memleketten bólingen qarjyny óziniń jeke bas paıdasyna jaratqan. Atap aıtqanda býhgalterlik qujattarǵa ekinshi qol qoıý quqyǵyn paıdalana otyryp, Aınabulaq jalpy negizgi bilim beretin mektebiniń jalpy somasy 1 788 779 teńge qarjysyn óz esebine aýdaryp alǵan.

Qylmystyq isti qaraǵan Semeı qalasynyń №2 soty esepshini senip tapsyrylǵan bóten múlikti ıemdenip alý nemese talan-tarajǵa salý baby boıynsha kináli dep tanydy. Sot sheshimimen esepshiniń bas bostandyǵy 3 jyl 6 aıǵa shekteldi.

«Sot aıypkerdi Qazaqstan Respýblıkasy QK-niń 189-baby 3-bóliginiń 2-tarmaǵy boıynsha kináli dep tanyp, oǵan osy bap boıynsha Qazaqstan Respýblıkasy QK-niń 55-baby 4-tarmaǵyn qoldanyp, 3 jyl 6 aı bas bostandyǵyn shekteý jazasyn taǵaıyndady. Ol endi memlekettik qyzmette, jergilikti ózin-ózi basqarý organdarynda, Ulttyq bankte, memlekettik uıymdarda jumys isteı almaıdy»,-dedi qalalyq №2 sotttyń baspasóz qyzmeti.

Joǵary qaraı