Semeıde er adam aspaly kópirden sekirip ketti

SEMEI. QazAqparat - Semeıde er adam aspaly kópirden sekirip ketti. Súńgýirler azamattyń denesin izdestirýde, dep habarlaıdy QazAqparat.

Oqıǵa búgin tańerteń saǵat 5.00 shamasynda oryn alǵan. Ázirge azamattyń aty-jóni belgisiz. Aspaly kópirden Ertis ózenine sekirip ketken er adamdy jol patrýldik polıtsııa qyzmetkerleri baıqaǵan. Alaıda kómekke kelip úlgermegen. Jedel túrde 112-ge telefon shalyp, oqys oqıǵa jaıly habarlaǵan. Qazir onyń denesin sýdan qutqarý qyzmetiniń 4 súńgýiri izdestirýde.

Aıta keteıik, jyl basynan beri osymen 4-shi adam kópirden sekirgen.

«Qazir izdeý jumystary júrgizilip jatyr. Keı áleýmettik jelilerde azamattyń tiri qalǵany týraly da aqparat júr. Alaıda naqty derek joq. Zań boıynsha 3 kún izdeý jumystaryn júrgizemiz», - dedi Semeı qalalyq sýdan qutqarý qyzmetiniń bas mamany Rınat Muhtarov.