Aýa raıy
Astana 10 °S
Almaty 23 °S
valıýta baǵamy
USD 389.52
EUR 429.21
RUB 6.07
CNY 54.94

Semeıde Ámına Ómirzaqovanyń 100 jyldyǵyna arnalǵan teatr festıvali bastaldy

2019 jyldyń 21 qyrkúıek 2019 02:30

SEMEI. QazAqparat – Semeıde Memlekettik syılyqtyń laýreaty, kórnekti teatr jáne kıno aktrısasy, Qazaqstannyń halyq artısi, Ámına Ómirzaqovanyń 100 jyldyǵyna arnalǵan Qazaqstan drama teatrlarynyń XXVII respýblıkalyq teatr festıvali bastaldy, dep habarlaıdy QazAqparat.

Atalmysh sharany Qazaqstan Respýblıkasynyń Mádenıet jáne sport mınıstrligi jáne Shyǵys Qazaqstan oblysy ákimdiginiń qoldaýymen jáne Qazaqstan teatrlary assotsıatsııasynyń uıymdastyrýda.

Festıval tanymal aktrısa, qazaqtyń Qyz Jibegi - Merýert Ótekeshovamen BAQ ókilderiniń arasynda ashyq pikir almasýymen bastaldy.

Jıyn barysynda sóz alǵan qurmetti qonaq Qazaqstan teatrlary assotsıatsııasynyń vıtse-prezıdenti, Qazaqstannyń eńbek sińirgen qaıratkeri, fılosofııa ǵylymynyń doktory, Ashat Maemırov: «Ámına Ómirzaqova teatr jáne kıno ónerinde janr tańdamaǵan aktrısa. Qazirgi tańda óner zertteýshilerdiń aldynda úlken maqsattar jatyr. Atap aıtsam, ol Ámına Ómirzaqova týraly doktorlyq, magıstrlik dıssertatsııa qorǵaý. Apamyzdyń teatrdaǵy rólderi óz aldyna bir tóbe, kınodaǵy obrazdary óz aldyna bir tóbe. Ótkizilgeli otyrǵan respýblıkalyq teatr festıvalde klassıkalyq álemdik shyǵarmalardan bastap, qazaqtyń Muhtar Áýezov, Berdibek Soqpaqbaev syndy tulǵalardyń shyǵarmasyn sahnada sóıletetin bolady»,-dedi.

Sonymen qatar ol Ermek Amanshaevtyń, Baýyrjan Jaqyptyń, Ersaıyn Tóleýbaı syndy otandyq avtorlardyń da shyǵarmalary qatysatynyn aıtty.

«Mádenıet jáne sport mınıstrligi, Qazaqstan teatr assotsıatsııasy osy festıvaldi Ámına apamyzǵa arnar kezinde kózdegen maqsaty - Qazaqstandaǵy teatrlardyń tynys-tirshiligi, kórkemdik kelbeti qaı baǵytta ózgerip jatqandyǵyna nazar aýdarý edi. Qazir Qazaqstan teatrlary shetelge kóptep shyǵýda. Halyqaralyq arenada eńsesi bıik abyroıy ústem. Sebebi, «Rýhanı jańǵyrý» baǵdarlamasynyń aıasynda birneshe halyqaralyq deńgeıde jobalar ótkizilip jatyr. Osy festıval da óz maqsatyna jetedi. Semeı teatry kezinde úlken teatr boldy. Qazir osy shańyraqta úsh teatr shyǵarmashylyq úndestikpen bas qosqan. Atap aıtsaq, Abaı atyndaǵy qazaq mýzykalyq drama teatry, Dostaevskıı atyndaǵy orys drama teatry, «Darıǵa-aı» jastar teatry. Sondyqtan bul jerde teatr dástúri tamyryn tereń jaıǵan dep esepteımin,» - dedi ǵalym.


Joǵary qaraı