Aýa raıy
Astana 25 °S
Almaty 27 °S
valıýta baǵamy
USD 386.80
EUR 429.27
RUB 5.78
CNY 54.89

Saılaý: Suraý salý tártibin buzǵan 3 azamat pen 4 zańdy tulǵa ákimshilik jaýapqa tartyldy

2019 jyldyń 7 maýsym 2019 17:05 776

NUR-SULTAN. QazAqparat - Áleýmettik jelide qoǵamdyq suraý salý tártibin buzǵan 3 azamat pen 4 zańdy tulǵa ákimshilik jaýapqa tartyldy. Bul týraly búgin QR Bas prokýrorynyń orynbasary Bolat Dembaev aıtty, dep habarlaıdy QazAqparat tilshisi.

«Konstıtýtsııa jáne zańǵa sáıkes prokýratýra zańdylyqtyń saqtalýyna joǵary qadaǵalaýdy júzege asyrady. Ótken saılaýlardaǵydaı prokýratýra organdary saılaý zańnamasyn buzý faktileri boıynsha sharalar qabyldady. Búgin saǵat 00-00-de aıaqtalatyn saılaý aldyndaǵy úgit barysynda sanaýly ǵana buzýshylyqtar anyqtaldy», - dedi Bolat Dembaev QR Ortalyq saılaý komıssııasynyń otyrysynda.

Osy rette Bas prokýrordyń orynbasary «QR-daǵy saılaý týraly»   Konstıtýtsııalyq zańnyń 28-baby 9-tarmaǵyna saı qoǵamdyq pikirge suraý salýdy 5 jyldyq tájirıbesi bar  zańdy tulǵalar júrgizýge quqyly ekendigin jáne bul týraly OSK-ge aldyn ala jazbasha habarlaý qajettigin aıtty.

«Alaıda, zańnyń osy normalaryna qaıshy jekelegen áleýmettik jeliler men ınternet resýrstarda paıdalanýshylar osyndaı saýalnamalar júrgizgen. Osyǵan baılanysty prokýratýra QR-nyń Ákimshilik quqyq buzýshylyq týraly kodesiniń 120-babynyń 3-bóligi boıynsha 3 azamatqa jáne 4 zańdy tulǵaǵa  qatysty ákimshilik is qozǵady. Olardyń barlyǵyna sotpen 15 jáne 30 AEK  mólsherinde aıyppul salyndy. Osyǵan uqsas faktilerdiń qaıtalanylýyn boldyrmaý úshin Bas prokýratýra 8 jáne 23 mamyrda BAQ-ta saılaý boıynsha saýalnama júrgizý  tártibin túsindirip, baspasóz habarlamalaryn ornalastyrdy, barlyǵyn zańdylyqty saqtaýǵa shaqyrdy», - dedi ol.

 

 

Joǵary qaraı