Aýa raıy
Astana 1 °S
Almaty 7 °S
valıýta baǵamy
USD 389.98
EUR 434.01
RUB 6.10
CNY 55.04

Saılaý-2019: Myrzataı Joldasbekov lıngvıstıkalyq komıssııa tóraǵasy boldy

2019 jyldyń 22 sáýir 2019 12:56

NUR-SULTAN. QazAqparat - QR Prezıdenttigine kandıdattardyń memlekettik tildi meńgerý deńgeıin anyqtaıtyn lıngvıstıkalyq komıssııa tóraǵasy saılandy, dep habarlaıdy QazAqparat tilshisi.

Bul qyzmetke fılologııa ǵylymdarynyń doktory, professor, QR UǴA akademıgi, L.Gýmılev atyndaǵy Eýrazııa ulttyq ýnıversıteti túrkologııa kafedrasynyń meńgerýshisi Myrzataı Joldasbekov laıyq dep tanylǵan.

«Ózderińiz bilesizder, Konstıtýtsııalyq Keńes sheshimine sáıkes, Ortalyq saılaý komıssııasy Lıngvıstıkalyq komıssııa qurdy. Onyń quramyna elimizge belgili azamattar endi. Búgin birinshi májilisimizdi ótkizip, synaq talaptaryn pysyqtadyq. Jasym úlken, jolym úlken dedi me, komıssııa tóraǵasy retinde biraýyzdan meni saılady. Komıssııa hatshysy qyzmetine professor Gúltas Qurmanbaı bekitildi», - dedi Lıngvıstıkalyq komıssııa tóraǵasy Myrzataı Joldasbekov Ortalyq saılaý komıssııasynda ótken brıfıngte.

Aıta keteıik, 2019 jyldyń 9 maýsymynda elimizde kezekten tys prezıdenttik saılaý ótedi.

19 sáýirde QR Ortalyq saılaý komıssııasy janynan prezıdenttikke úmitkerlerdiń memlekettik tildi meńgerý deńgeıin anyqtaıtyn lıngvıstıkalyq komıssııa quryldy. Onyń quramyna Myrzataı Joldasbekov, Ádil Ahmetov, Ǵarıfolla Esim, Seıit Qasqabasov, Gúltas Qurmanbaı, Erden Qajybek endi.

Joǵary qaraı