Aýa raıy
Astana 27 °S
Almaty 25 °S
valıýta baǵamy
USD 386.82
EUR 428.67
RUB 5.86
CNY 54.95

Saýl Alvarestiń bapkerlerinen tálim alǵan: Danııar Eleýsinovtiń kelesi qarsylasy kim

2019 jyldyń 12 shilde 2019 07:44 558

NUR-SULTAN. QazAqparat - Qazaqstandyq boksshy Danııar Eleýsinov (7-0, 3 KO) rıngke 27 shildede oralady. Ol Arlıngtondegi (AQSh, Tehas shtaty) College Park Center arenasynda judyryqtasady, dep habarlaıdy QazAqparat Sports.kz saıtyna silteme jasap.

Atalmysh saıttyń Boxrec.com málimetterine súıene otyryp taratqan aqparattaryna qaraǵanda, Danııar Eleýsinovtiń qarsylasy «Tyshqan» degen laqap atpen belgili 26 jastaǵy Oskar Kortes (27-4, 14 KO). Ol óziniń rekordynan bólek Saýl Alvarestiń jeke promoýterlik kompanııasy Canelo Promotions-tiń klıenti bolǵanyn jáne tanymal boksshynyń bapkerleri Hose men Eddı Reınosonyń qol astynda jatyqqanyn maqtan ete alady.   

Danııar Eleýsinovtiń qatysýymen bolatyn boks keshiniń hedlaınerleri birinshi jartylaı salmaqtaǵy Hose Karlos Ramıres (24-0, 16 KO) pen Morıs Hýker (26-0-3, 17 KO). Olar WBC men WBO tujyrymdary boıynsha chempıon ataǵyn sarapqa salady.   

 

 

 

 

 

Perevod Aıdar Ospanalıev
Basty sózder: Boks, Qoǵam, Sport,
Joǵary qaraı