Aýa raıy
Astana 0 °S
Almaty 14 °S
valıýta baǵamy
USD 389.52
EUR 429.21
RUB 6.07
CNY 54.94

Saryaǵash keden beketinde iri kólemdegi geroınmen tájikstandyq ustaldy

2019 jyldyń 22 qyrkúıek 2019 01:11

TÚRKІSTAN. QazAqparat – Túrkistan oblysynyń Saryaǵash aýdany aýmaǵyndaǵy «Jibek joly» ótkizý beketinde asa iri kólemdegi esirtki tasymalyna tosqaýyl qoıyldy. QR Ulttyq qaýipsizdik komıteti Shekara qyzmetiniń ókilderi kóligine geroın jasyrǵan tájikstandyqty ustady, dep habarlaıdy QazAqparat tilshisi.

Shekara qyzmetiniń málimetinshe, 20 qyrkúıek kúni kedenshiler men shekarashylarda «H.A.» esimdi Tájikstan azamatynyń avtokóligin tekserý kezinde kúdik týyndaǵan. Óıtkeni kólikte jasyryn oryn jabdyqtalǵandyǵy anyqtalǵan. Tereńdetilgen tehnıkalyq tekserý barysynda mashınanyń bamperinen jasyrylǵan spetsıfıkalyq belgileri bar zat tabylady. Tıisti saraptama qorytyndysy bul zattyń geroın ekenin kórsetken.

«Materıaldar belgilengen tártippen tirkelip, azamat «H.A.»-dan tárkilengen geroın jáne avtokólik sotqa deıingi tergeý amaldaryn júrgizý úshin quqyqqorǵaý organdaryna tapsyryldy», - delingen habarlamada.

Aıta keteıik, jyl basynan beri elimizdiń shekarashylary zańsyz aınalymnan 120 keli esirtki zatyn anyqtap, tárkilegen. Onyń ishinde - 20 kg geroın, 7 kg gashısh, 70 kg kanabıs shaıyry jáne kóptegen kólemde sıntetıkalyq esirtkiler bar.





Joǵary qaraı