Aýa raıy
Astana 8 °S
Almaty 7 °S
valıýta baǵamy
USD 389.59
EUR 429.06
RUB 6.05
CNY 55.07

Saǵyntaev qarajatty ıgere almaı jatqan ákimdikterge taǵy eskertý jasady

2018 jyldyń 16 qazan 2018 11:17

ASTANA. QazAqparat - Úkimet basshysy Baqytjan Saǵyntaev qarajatty ıgere almaı jatqan ákimdikterge kezekti ret eskertý jasady, dep habarlaıdy QazAqparat tilshisi.

«Toǵyz aıdyń qorytyndysy boıynsha jalpy ishki ónimniń ósimi 4,1 paıyzdy qurap otyr. Segiz aıdyń qorytyndysymen salystyrǵanda óte úlken ózgeris bar. Bul, jumysty alǵa qaraı jyljytý boıynsha barlyǵymyzdyń birlese atqarǵan is-áreketterimizdiń nátıjesi dep bilemin. Degenmen, áli de rezervterimiz bar. Ony barshamyz kórip-bilip otyrmyz. Qazir Jobalaý keńsesi boıynsha esepter júrip jatyr. Sol esepterdiń negizinde Elbasynyń qoıǵan tapsyrmasyn tolyqqandy oryndaýǵa múmkindikterińiz bar», - dedi Úkimet basshysy.

Baqytjan Saǵyntaev qalǵan kúsh-jigerdi soǵan salý kerektigin eskerti.

«Qalǵan 51 kún - eki aıdyń ishinde Elbasynyń tapsyrmasyn tolyq oryndaýymyz qajet. Degenmen, óńdeý ónerkásibine, kıim óndirý, teri óndirisi, metall, tigin, mıneraldyq óndiris, farmatsevtıka salasynda kóptegen múmkindikterimiz bar. Jyldyń sońyna deıin qajetti jumystardy atqarýymyz qajet», - dedi Úkimet basshysy.

QR Premer-Mınıstri sóz sońynda bólingen qarjyny ıgerý máselesi áli de baryn tilge tıek etti.

«Qazir biz bıýdjetti qaıta qaraý máselesin pysyqtap jatyrmyz. Toǵyz aıdyń qorytyndysy boıynsha ıgerilmegen qarjynyń barlyǵy alynatyny týraly ózderińizge eskertilgen bolatyn. Osy usynystar Qarjy mınıstri tarapynan berilgen. Bıýdjettiń ózgeristeri qaraldy. Erteń Parlamentte ol týraly baıandalatyn bolady. ıAǵnı, 9 aıdyń nátıjesi boıynsha qaı ákimdik qarjyny ıgermedi - sol qarajattardyń bári alynady. Alynǵan qarjy basqa ákimdikter tarapynan jasalǵan usynystarǵa beriledi. Kim ıgerip jatyr - soǵan beriledi. Kim ıgermedi - olardyń bárinen alynady. Jyldyń sońyna deıin áli úsh aı bar. Ár aıdyń qorytyndysy boıynsha ıgerilmegen qarjy osylaı alynyp otyrady. Álıhan Ashanuly (Qarjy mınıstri - avt.), kimder ıgermeı jatyr - ol máseleni Parlamentke barmaı-aq ózimiz sheshetindeı múmkindik bolady», - dedi Úkimet basshysy.

Aıta keteıik, B.Saǵyntaev osy jyldyń maýsym aıynda bólingen qarajatty ıgere almaı jatqan mınıstrlerlikter men ákimdikterge eskertý jasaǵan edi.

Búgingi Úkimet otyrysynda QR Ulttyq ekonomıka mınıstri Tımýr Súleımenov osy jyldyń qańtar-qyrkúıek aılarynda áleýmettik-ekonomıkalyq damý kórsetkishi boıynsha úzdik nátıjege qol jetkizgen óńirlerdi ataǵan bolatyn.

Joǵary qaraı