Awa rayı
Astana 0 °S
Almatı -3 °S
valyuta bağamı
USD 377.62
EUR 426.03
RUB 5.67
CNY 55.78

Sağıntaev «7-20-25» bağdarlaması jayında: Şınında bіraz kedergі bar

2019 jıldıñ 22 qañtar 2019 11:44 871

ASTANA. QazAqparat - Bügіn Ükіmettіñ selektorlıq rejіmdegі otırısında QR Ükіmet basşısı Baqıtjan Sağıntaev Elbasınıñ "Bes älewmettіk bastamasın" tıñğılıqtı jüzege asırwğa bağıttalğan bіrqatar tapsırma berdі, dep xabarlaydı QazAqparat tіlşіsі.

"Elbasınıñ "Bes älewmettіk bastaması" - awqımdı bağdarlama. Sondıqtan bіz ärbіr bastamanı sapalı jüzege asırwğa mіndettіmіz. Bayandamadan körіp otırğanımızday, jalpı barlıq bağıttar boyınşa jumıstar orındalıp jatır. Bіrіnşі bastama (xalıqtı qoljetіmdі baspanamen qamtw) boyınşa jumıstı jalğastırw qajet. Asqar Uzaqbayulı (Ükіmet basşısınıñ bіrіnşі orınbasarı Asqar Mamïn) Danïyar Talğatulınıñ (Ulttıq bank törağası Danïyar Aqışev) tarapınan aytılğan usınıstardı osı aptanıñ soñına deyіn qarap, juma künі şeşіmіn şığarw kerek. Şın mänіnde bіraz kedergі bar. Onıñ bärіn joyıp, bağdarlamanıñ jürwіn jıldamdatwımız qajet", - dedі Ükіmet basşısı.

Premer-Mïnïstrdіñ aytwınşa, «Jalaqısı tömen jumısşılardıñ eñbekaqısın köbeytw üşіn olardıñ salıq jüktemesіn azaytw» attı ekіnşі bastama orındaldı. 20 mıñ bіlіm grantın bölwdі közdeytіn üşіnşі bastamanıñ bіrіnşі bölіgі jumısın ayaqtadı. Ekіnşі bölіgі stwdentterdі jataqxanamen qamtwdı közdeydі.

"Erlan Kenjeğalïulı (Bіlіm jäne ğılım mïnïstrі Sağadïev), äkіmşіlіktermen bіrlese otırıp, bügіngі aytılğan usınıstardıñ barlığın tağı bіr pısıqtap alw qajet. Eger bïıl 5 mıñ jataqxana ornı tapsırılwı kerek bolsa, onda sonıñ barlığın orındawımız qajet", - dedі Baqıtjan Sağıntaev.

Ükіmet basşısınıñ sözіne qarağanda, xalıqtıñ tabısınıñ artwın qamtamasız etw üşіn özіn-özі jumıspen qamtığan jäne jumıssız xalıqqa mïkronesïe berwdі közdeytіn törtіnşі bastama boyınşa negіzіnen ïndïkatorlıq körsetkіşterge qol jetkіzіldі. Bіraq talap etіlgen sapası öte tömen. Bul rette Eñbek jäne xalıqtı älewmettіk qorğaw mïnïstrlіgі tarapınan jürgіzіlgen jumıstar durıs üylestіrіlmegen Mïkronesïeler 4 öñіrden basqa oblıstarda 100 payızdan tömen ïgerіlgen.

"Besіnşі bastama waqıtında salınıp, іske qosılwın qamtamasız etwіmіz qajet. Qanat Aldabergenulı jumıs jürgіzіlіp jatır, Baqılawıñızda bolsın", - dedі Premer-Mïnïstr  "Sarıarqa" magïstraldı gaz qubırınıñ qurılısına jawaptı Energetïka mïnïstrі Bozımbaevqa qarata.

 

 

Joğarı qaray