Aýa raıy
Astana 19 °S
Almaty 30 °S
valıýta baǵamy
USD 386.05
EUR 428.25
RUB 5.84
CNY 54.65

Rýdnyıda 28 jastaǵy jigittiń denesine 100 keli júk baılap, sýǵa batyrǵan

2019 jyldyń 20 shilde 2019 13:39 555

QOSTANAI. QazAqparat - Bir aıdan beri iz-túzsiz joǵalyp, izdeý salynǵan Rýdnyı turǵyny sýdan tabyldy. Polıtsııa qyzmetkerleri qylmystyń keıbir mán-jaıyn ashty, dep xabarlaıdy QazAqparat tilshisi.

2019 jyldyń 8 maýsymynda Rýdnyı qalasynyń polıtsııa basqarmasyna jergilikti turǵyn kelip, balasynyń birneshe kún buryn joǵalyp, habarsyz ketkenin aıtqan.

Qylmysty ashý úshin Rýdnyı qalasynyń polıtsııa departamenti men polıtsııa basqarmasynyń tájirıbeli mamandarynan jasaqtalǵan jedel tergeý toby quryldy. Tergeý barysy Rýdnyı qalasy prokýratýrasynyń baqylaýyna alyndy.

«Polıtsııa qalada jáne qala syrtynda jedel tergeý barysynda Rýdnyı qalasynyń 20 jáne 29 jastaǵy eki turǵynyn qolǵa túsirdi. Ekeýi de buǵan deıin birneshe ret sottalǵan. Onyń ishinde aýyr qylmys jasaǵany úshin de jaýapqa tartylǵan. Kúdiktilerdiń biri oblystan qashyp bara jatqanda ustaldy. Sońynan aıǵaqtar men dálelderdiń kúshimen kúdiktiler qylmysyn moıyndap, er adammen sózge kelip qalǵandyqtan óltirgenin jáne máıitti qaladan 200 shaqyrym jerde sýǵa batyrǵanyn aıtty», - dep málim etti polıtsııa ókili.

Kúdiktilerdiń jaýabyn tekserý arqyly máıit 16 shilde kúni Uzynkól aýdanynyń Alabuǵa ózeninen tabyldy. Denesinde kóptegen jaraqattar bar. Sondaı-aq, máıitke 100 keli júk baılanǵan. Kúdiktilerdiń biri osy jerdiń týmasy bolǵandyqtan, óńirdi jaqsy bilgen.


Avtor: Janna Musabaeva

Basty sózder: Oqıǵa, Qostanaı oblysy,
Joǵary qaraı