Aýa raıy
Astana -4 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Robottar, ekzotıkalyq saıabaq: Elordadaǵy balalardy ońaltý ortalyǵy qalaı jumys isteıdi

2019 jyldyń 21 mamyr 2019 00:48

NUR-SULTAN. QazAqparat - 2007 jyly Elbasynyń bastamasymen ashylǵan elordadaǵy Ulttyq balalardy ońaltý ortalyǵy jylyna 4 myńnan astam balany qabyldap, emdeıdi. Munda elimiz óńirlerinen, alys-jaqyn shetelden balalar keledi. Osy turǵyda QazAqparat tilshisi ortalyqtyń jumysymen tanysyp qaıtqan bolatyn.

«Bizdiń ortalyqqa balalar elimizdiń túkpir-túkpirinen kvota boıynsha keledi. Jasalatyn em-domnyń barlyǵy tegin. 10 jasqa deıingi balalardyń janynda ata-anasy bolýy kerek, al odan joǵary jastaǵylar ata-anasyz qabyldanady. Jáne bir aıtyp ketetini, ata-analar úshin ortalyq qyzmeti aqyly bolyp tabylady. Kvotany ár oblystyń densaýlyq saqtaý basqarmasy kezektik retpen bóledi. Onyń sany da óńirge baılanysty, ıaǵnı halyq kóp ornalasqan aımaqta tıisinshe, bólinetin kvotanyń da sany joǵary», - dedi QR Ulttyq balalardy ońaltý ortalyǵynyń dırektory Sholpan Bólekbaeva.





Onyń aıtýynsha, ońaltý ortalyǵy jylyna 14 top bala qabyldaıdy jáne bir topta 300 baladan bolady.

«Qazirgi ýaqytta bizdiń ortalyqta 500-den astam adam bar, onyń 300-i balalar bolsa, qalǵany ata-analar. Sonda jylyna 4200 bala em alady. Bir top 25 kún jatady, sol ýaqyttyń ishinde ár bala óziniń medıtsınalyq dıagnozyna qaraı túrli em-shara alady. Onyń ishinde medıtsınalyq, pedagogıkalyq-psıhologııalyq, áleýmettik jáne beıimdeý kýrstary bar. Qazaqstanda búgingi tańda 70 myńǵa jýyq túrli sanattaǵy múgedek bala bar. Bizdiń ortalyq júıke júıesine zaqym kelgen balalardy ómirge ıkemdep, beıimdeýmen aınalysady. Ókinishke qaraı, júıke júıesine shaldyqqan balalar sany jyl sanap artýda, onyń dáleli bizdegi oryn tapshylyǵy. Árıne elordadan bólek, elimizdiń 9 oblysynda ońaltý ortalyqtary bar. Degenmen olardaǵy medıtsınalyq jabdyqtalý jaǵy tolyq sáıkes kele bermeıdi. Sondyqtan da kóbisi bizge kelgisi keledi», - deıdi ol.





Ortalyq basshysynyń sózinshe, elimizden bólek, em alýǵa Reseı, Qyrǵyzstan, Ózbekstan, Lıtva, Latvııa, Túrkııa, Qytaı sekildi alys-jaqyn shet memleketterden de patsıentter keledi. Sheteldikterge ortalyq qyzmeti aqyly.

«Qazirgi kezdegi zaman talaby ol - tsıfrlandyrý, onyń jemisin bizde kórip jatyrmyz. Ortalyqta búginde eki robot bar. Olar júre almaıtyn balalardy súıemeldeý arqyly óz betterimen qadam jasaýǵa kómektesedi. Odan bólek, «bıologııalyq keri baılanys» atty kompıýterlengen apparat, «kosmonavt» dep atalatyn ǵaryshtyq kostıým bar. Ol balanyń qımyl is-áreketiniń damýyn ońtaılandyratyn arnaıy qurylǵy. Barlyǵy da zamanaýı, sheteldik qurylǵylar. Árıne adamnyń basqarýymen júzege asyrylady. Basty artyqshylyǵy balaǵa qandaı qımyl áreket jasaý kerek jáne ony qansha ýaqyt jasaý kerektigin apparat ózi anyqtaıdy. Jəne de ózimizdiń jabyq botanıkalyq saıabaǵymyz bar. Onda bizde óspeıtin 100-den astam ekzotıkalyq ósimdik otyrǵyzylǵan. Balalar saıabaqta aptasyna bir ret sabaq ótedi. Ony medıtsına tilinde ekoterapııa dep ataıdy», - deıdi ortalyq dırektory.





Sh. Bólekbaeva ortalyqqa kóbine júıke júıesi zaqymdanǵan balalar túsetinin aıtty.

«Bizge keletin balalardyń negizgi bóligi nevrologııa boıynsha, ıaǵnı júıke júıesi zaqymdanǵandar. Osynda ońaltýdan ótken jáne ótip jatqan balalardyń 60 paıyzy sal aýrýyna shaldyqqandar. Ekinshi kezekte aýtızmmen aýyratyndar jıi tússe, úshinshi orynda - sóıleý qabiletinde kináraty bar baldyrǵandar», - deıdi ol.






Aıta ketsek, búginnen bastap «Kazakh Tourism» ulttyq kompanııasy ishki týrızmniń potentsıalyn arttyrý jáne dáripteý maqsatynda birneshe qala men oblystyń týrıstik nysandary men saýyqtyrý keshenderine onkúndik týrdy bastady. Týr barysynda Nur-Sultan, Almaty, Shymkent qalalary men Almaty, Túrkistan, ShQO jáne Aqmola oblystarynyń týrıstik jáne densaýlyq saqtaý áleýeti tanystyrylatyn bolady.












Avtor Álı Ibraev
Basty sózder: Týrızm, Medıtsına, Nur-Sultan,
Joǵary qaraı