Aýa raıy
Astana 10 °S
Almaty 10 °S
valıýta baǵamy
USD 389.59
EUR 429.06
RUB 6.05
CNY 55.07

Rejep Erdoǵan Nursultan Nazarbaevty Naýryz meıramymen quttyqtady

2019 jyldyń 21 naýryz 2019 17:48

ASTANA. QazAqparat - Qazaqstan Respýblıkasynyń Tuńǵysh Prezıdenti - Elbasy Nursultan Nazarbaev Túrkııa Respýblıkasynyń Prezıdenti Rejep Taııp Erdoǵanmen telefon arqyly sóılesti, dep habarlaıdy Aqordanyń baspasóz qyzmeti.

Áńgimelesý barysynda Túrkııa Prezıdenti táýelsiz Qazaqstandy qalyptastyrý men damytý isindegi Nursultan Nazarbaevtyń tarıhı rólin erekshe atap ótti.

Rejep Erdoǵan baýyrlas Túrkııa halqy Qazaqstannyń Tuńǵysh Prezıdentin túrki áleminiń uly perzenti ári dúnıejúzilik deńgeıdegi saıasatker retinde joǵary baǵalaıtynyn atap ótti.

Túrkııa Prezıdenti Rejep Erdoǵan Nursultan Nazarbaevqa zor densaýlyq pen tolaǵaı tabys tiledi.

Eki el kóshbasshylary bir-birin Naýryz meıramymen quttyqtady.

Telefon arqyly sóılesýge Túrkııa jaǵy bastamashy boldy.

Joǵary qaraı