Aýa raıy
Astana 0 °S
Almaty 21 °S
valıýta baǵamy
USD 389.59
EUR 429.06
RUB 6.05
CNY 55.07

Respýblıkalyq bıýdjettiń kólemindegi áleýmettik shyǵystardyń úlesi artty

2019 jyldyń 21 mamyr 2019 11:27

NUR-SULTAN. QazAqparat - 2017 jylmen salystyrǵanda ótken jyly bıýdjet tapshylyǵy 2 esege azaıdy. Bul týraly QR Parlamenti Senatynda Úkimettiń 2018 jylǵy respýblıkalyq bıýdjettiń atqarylýy týraly esebin tanystyrý barysynda Premer-Mınıstrdiń birinshi orynbasary - Qarjy mınıstri Álıhan Smaıylov málim etti, dep habarlaıdy QazAqparat tilshisi.

«2018 jylǵy respýblıkalyq bıýdjet shyǵystarynyń negizgi basymdyqtary agrarlyq sektordy, shaǵyn jáne orta bıznesti damytýǵa, ındýstrııalandyrýǵa, ekonomıkany tsıfrlandyrýǵa, kólik ınfraqurylymy men áleýmettik salany damytýǵa baǵyttaldy. Respýblıkalyq bıýjettiń kólemindegi áleýmettik shyǵystardyń úlesi 44 paıyz bolyp qalyptasty (2017 jyly 34 paıyz)», - dedi Úkimet basshysynyń birinshi orynbasary.

Onyń sózine qaraǵanda, ótken jylǵy respýblıkalyq bıýdjettiń negizgi kórsetkishteri tolyǵymen oryndaldy. Kirister (transfertterdi qospaǵanda) 102,3 paıyzǵa asyra oryndaldy. 2017 jylmen salystyrǵanda ósý qarqyny 116,7 paıyzdy qurady.

«Shyǵystar óte joǵary deńgeıde ıgerildi. Únemdeý men bólinbegen Úkimet rezerviniń somasyn qosa eseptegende, taza ıgerý 99,99 paıyzdy qamtydy. 2017 jylǵa qaraǵanda bıýdjet tapshylyǵy 2 esege azaıdy. Kiristerdi asyra oryndaý jáne shyǵystar boıynsha únemdeý esebinen 151 mlrd teńge kassalyq qaldyqtar qalyptastyryldy», - dedi Álıhan Smaıylov.

Avtor Rýslan Ǵabbasov
Basty sózder: Bıýdjet, Senat,
Joǵary qaraı