Aýa raıy
Astana 13 °S
Almaty 17 °S
valıýta baǵamy
USD 386.34
EUR 427.25
RUB 5.88
CNY 54.57

Reseıden urlanǵan kólikter Qazaq-Ózbek shekarasynda ustaldy

2019 jyldyń 17 shilde 2019 10:43 400

SARYAǴASh. QazAqparat - Shekarashylar Reseıde joǵalǵan avtokólikterdi Ózbekstanǵa asyrmaı, el shekarasynda ustady, dep habarlaıdy QazAqparat Ulttyq qaýipsizdik komıtetiniń shekara qyzmetine silteme jasap.

Ótken túnde Saryaǵash shekara jasaǵynyń «Qaplanbek avto» bólimshesinde Ózbekstanǵa qaraı ótpek bolǵan «Toıota Rav 4» avtokóligi ustaldy.

«Tekserý kezinde onyń Reseı Federatsııasynda izdeýde júrgen avtokólik ekeni anyqtaldy. Kóliktiń júrgizýshisi 1976 jyly týǵan Tájikstan azamaty Saryaǵash aýdandyq polıtsııa bólimine tapsyryldy» delingen habarlamada.

Arada eki jarym saǵat ótkende Ózbekstanǵa bet alǵan taǵy bir «Toıota Rav 4» avtokóligi qolǵa tústi. Ol da Reseı aýmaǵynan ushty-kúıli joǵalǵan. Onyń júrgizýshisi 40 jastaǵy reseılik te polıtsııa qyzmetkerlerine tabystaldy.

Joǵary qaraı