Awa rayı
Astana -3 °S
Almatı -1 °S
valyuta bağamı
USD 332.21
EUR 391.74
RUB 5.57
CNY 50.08

Resey Prezïdentі Sïrïya mäselesіn rettewge qosqan ülesі üşіn Nursultan Nazarbaevqa alğıs ayttı

2017 jıldıñ 20 qazan 2017 04:30 1380

ASTANA. QazAqparat - Resey Prezïdentі Vladïmïr Pwtïn Sïrïyadağı axwaldı rettew üşіn kelіssözder alañın usınğan Qazaqstanğa jäne Memleket basşısı Nursultan Nazarbaevqa alğısın bіldіrdі, dep xabarlaydı QazAqparat.

Soçïde ötken «Valday» xalıqaralıq dïskwssïyalıq klwbınıñ otırısı barısında Qazaqstannıñ Xalıqaralıq qatınastar jönіndegі keñesіnіñ  törağası Erlan Qarïn RF basşısı Vladïmïr Pwtïnnen Sïrïyadağı axwaldı rettew boyınşa Astana procesіnіñ aralıq nätïjelerі jönіnde suradı.

«Sіzben ötken jılğı kezdeswіmіz Sïrïyadağı axwal, Aleppo aynalasındağı jağdayğa qatıstı öttі. Bïılğı jıldıñ basında Sïrïyadağı axwaldı rettew boyınşa Astana procesі іske qosıldı. Alğaş ret Qazaqstan elordası - Astanada qarsı küreswşі ärtürlі taraptardıñ, sonday-aq atalmış procestіñ kepіlger elderі - Resey, Türkïya jäne Ïrannıñ ökіlderі kelіssözder üstelіne  otırdı. Kelіssözderdіñ bіrneşe rawndı öttі, qujattar qabıldandı. Astana procesіnіñ aralıq nätïjelerіne qanday bağa berer edіñіz? Jäne tağı bіr mäsele, qazіr Tayaw Şığıstağı dağdarıs jaña reñk alıp otırğanın körіp otırmız. Men özіñіz atap ötken Soltüstіk Ïraktağı kürdterdіñ referendwmı, Kerkwktegі äskerï operacïya jäne jalpı Sïrïyadağı äskerï axwaldıñ özgerwі  twrasında aytıp otırmın. Sïrïya dağdarısın rettew keleşegі qanday jäne Tayaw Şığıstağı jalpı axwaldı qalay bağalaysız?», - dedі Erlan Qarïn.

«Sïrïyalıq rettew jäne Astana procesіne qatıstı aytar bolsam, eñ aldımen, Qazaqstanğa jäne Prezïdent Nazarbaevqa bіzge jäne osı procestіñ özge qatıswşılarına Astana alañın usınğanı üşіn alğısımdı bіldіremіn. Qazaqstan jay ğana bas qosatın jer emes. Ol - öte qolaylı alañ. Men munda Qazaqstannıñ beytarap pozïcïyasın, Qazaqstannıñ bul aymaqtıñ qanday da bіr іşkі şïelenіsterіne eşqaşan aralaspağanın, kerіsіnşe, bedeldі bіtіmger bolıp tabılatının aytıp otırmın. Ayta keteyіn,  Prezïdent Nazarbaev barlıq şïelenіswşі jäne bіtіmge kelwşі taraptardı kelіssözder üstelіnіñ basında ustap qalw üşіn belgіlі bіr jawapkerşіlіktі öz moynına alğan kezder de bolğan. Sol üşіn alğısımız şeksіz. Astana procesіnіñ bet alısı oñ, ärïne, problemalar da joq emes. Bіraq jalpı - pozïtïvtі», - dep jawap qayırdı Vladïmïr Pwtïn.

Sonday-aq Resey basşısı Sïrïya boyınşa eñ mañızdı mäselege - qantögіstі toqtatwğa qol jetkіzw mümkіn bolğanın atap öttі.

«Türkïya, Ïran jäne Sïrïya ükіmetіnіñ ustanımınıñ arqasında özektі mäseleler boyınşa pozïcïyalardı jaqındastırwğa mümkіn boldı, bul - qantögіstі toqtatw. Sonday-aq deeskalacïya aymaqtarın qurw, bul - Sïrïya boyınşa soñğı ekі jıldağı jumıstardıñ, sonıñ іşіnde Astana procesіnіñ bastı jetіstіgі. Ayta keteyіn, Astanadağı kelіssözderge qatıspaytın, bіraq qaşıqtan qatısıp otırğan jäne bolıp jatqan procesterge ıqpal etetіn özge elder de, sonıñ іşіnde AQŞ aytarlıqtay ülesterіn qoswda. Bіz amerïkalıq ärіptestermen bul mäsele boyınşa özara qarım-qatınastamız. Olar turaqtı, bіraq oñay emes, pіkіrtalastar da bolıp turadı. Degenmen, bul ıqpaldastıqtıñ negatïvten burın, pozïtïvtі tustarı köp.  Osı waqıtqa deyіn bіz köp mäsele boyınşa bіr mämіlege qol jetkіzіp keldіk, sonıñ іşіnde Ïzraïl men Ïordanïya memleketterіnіñ müddelerі bar deeskalacïyanıñ oñtüstіk aymağı boyınşa. Ärïne, bul proceske Sawd Arabïyası, Mısır, Ïordanïya, Katar jäne şağın, bіraq mañızı joğarı köptegen özge elderdіñ oñ ıqpalı tïіp otır», - dedі ol.

Atalmış mäsele boyınşa perspektïvalarğa toqtalğan V.Pwtïn,  jaqın waqıtta bul aymaqta lañkesterdіñ közі joyılatının ayttı. Sonımen qatar, deeskalacïya aymaqtarın qurwdan keyіn kelesі kezeñge ötw közdelіp otırğanın jetkіzdі.

«Barlıq etnïkalıq jäne dіnï toptar, ükіmet pen oppozïcïya qatısw üşіn Sïrïya xalqınıñ kongresіn qurw ïdeyası bar. Bul sayasï rettewdіñ kelesі mañızdı  qadamı bolar edі», - dep tüydі RF Prezïdentі.  

 

 

Pіkіr qaldırw

Joğarı qaray