Aýa raıy
Astana -3 °S
Almaty -1 °S
valıýta baǵamy
USD 389.75
EUR 434.26
RUB 6.12
CNY 55.05

«Real Madrıdke» baratyn jas fýtbolshylar belgili boldy

2019 jyldyń 13 qyrkúıek 2019 13:21

ALMATY. QazAqparat - Almatyda «Real Madrıd» klýbyna barýǵa úmitker jas fýtbolshylar arasyndaǵy jarys aıaqtaldy. Bas júldeni tarazdyq «Tulpar» komandasy utyp aldy, dep habarlaıdy QazAqparat tilshisi.

Bas júldeger komanda - balalar úıleriniń oıynshylarynan jasaqtalǵan 12 komandanyń arasynan anyqtalady. Úsh kúnge sozylǵan tartysty dodada Tarazdyq «Tulpar» komandasy ozyq shyqty. Fınalda olar Rýdnyı qalasynyń «Berkýt» komandasymen oınap, 1-0 esebimen jeńdi.

«Biz qatty qýanyp turmyz. Bul jeńisti biz kóp armandadyq, komandamyzben bar kúshimizdi saldyq. Biz barlyq bala armandaıtyn «Real Madrıd» fýtbol klýby men ataqty «Santıago Barnabeo» stadıonyn kóremiz. Almatyǵa Qazaqstannyń túkpir-túkpirinen kelgen fýtbolshylarǵa sáttilik tileımin. Barlyq komanda myqty boldy», - deıdi «Tulpar» komandasynyń oıynshysy Temirlan Donılko.

Qazaqstandaǵy balalar úıiniń jetkinshekteri arasyndaǵy «Armanyńa jaqynda» atty fýtbol oıyny «BAURZHAN» qaıyrymdylyq qory, Qazaqstan fýtbol Federatsııasy, QR BǴM balalardyń quqyqtaryn qorǵaý komıtetiniń uıymdastyrýymen ótti.

«Týrnır ótkizilgen jeti jyldyń ishinde balalar úıiniń 60 shaqty balasy ıspandyq «Barselona», ıtalııalyq «Mılan», nemistiń «Bavarııasy» men frantsýzdyń «Parı Sen-Jermeni» sekildi azýly fýtbol klýbtarynda bolypty. Bıylǵy jarystyń jeńimpazdary áıgili «Real Madrıdke» baryp, jattyǵýyn kórmek»,- dep atap ótti BAURZHAN» qaıyrymdylyq qorynyń joba jetekshisi Baljan Tursyn.

Jobanyń bas demeýshisi «Samruk Kazyna Trust» áleýmettik jobalardy damytý qory. Jeńimpaz komandany Ispanııa eline aparyp, alyp kelýdi osy qor óz moınyna aldy.

«Biz mundaı jobalardy únemi qoldap otyramyz. Bul jobanyń ereksheligi — munda balalardyń armanyn oryndaý, olardy qýantý, sportqa degen qyzyǵýshylyqtaryn arttyrý. Dál osy balalardyń arasynan erteń, myqty sportshy shyǵýy múmkin. Sondyqtan bizdiń qor qýana-qýana barlyq shyǵyndy kóterip alady. Men jeńimpaz komandany shyn júrekten quttyqtaımyn. Bul sport, munda bir-aq jeńimpaz bolýy kerek. Desekte, barlyq komandaǵa arnaıy syılyǵymyz bar»,- dedi «Samruk Kazyna Trust» áleýmettik jobalardy damytý qorynyń bas menedjeri.

Qazan aıynyń sońynda, jeńimpaz komanda Ispanııaǵa attanyp, armanymen qaýyshady.





Avtor Alma Muqanova
Basty sózder: Sport, Almaty, Eýropa,
Joǵary qaraı