Aýa raıy
Astana -9 °S
Almaty 6 °S
valıýta baǵamy
USD 389.98
EUR 434.01
RUB 6.10
CNY 55.04

Qazaq Banki túbegeıli taratyldy: Salymshylar aqshalaryn qaıdan ala alady

2018 jyldyń 13 jeltoqsan 2018 09:48

ASTANA. QazAqparat - «Qazaq Banki» AQ-ty májbúrlep taratý týraly sot sheshimi zańdy kúshine endi, dep habarlaıdy QR Ulttyq bankiniń baspasóz qyzmeti.

«Almaty qalalyq sotynyń (apellıatsııalyq kollegııasynyń) 2018 jyldyń 29 qarashada túsken shaǵymdy qaıtarýmen baılanysty 2018 jylǵy 12 jeltoqsanda Almaty qalasynyń Mamandandyrylǵan aýdanaralyq ekonomıkalyq sotynyń 2018 jylǵy 24 qazandaǵy «Qazaq Banki» AQ-ty májbúrlep taratý týraly sheshimi zańdy kúshine endi» delingen habarlamada.

Málimetke saı, jeke jáne dara kásipkerlerdiń «Qazaq Banki» AQ-taǵy salymdarda ornalastyrylǵan, aǵymdaǵy shottardaǵy jáne tólem kartochkalaryndaǵy aqshany ótetip alý quqyǵy bar. Ótemaqy jınaqtalǵan syıaqy eskerile otyryp, depozıt boıynsha qaldyq somasy sheginde, biraq tómendegi eń kóp kepildik berilgen somadan aspaıtyn mólsherde «Qazaqstannyń depozıtterge kepildik berý qory» AQ-tyń (budan ári - QDKQ) qarajatynan tólenetin bolady:

10 mıllıon teńge - ulttyq valıýtadaǵy depozıtter boıynsha,

5 mıllıon teńge - shetel valıýtasyndaǵy depozıtter boıynsha.

Bir salymshynyń «Qazaq Banki» AQ-ta teńgemen de, shetel valıýtasymen de ornalastyrylǵan depozıtteri boıynsha jıyntyǵy 15 mıllıon teńgege deıingi mólsherde ótemaqy tólenedi, bul rette shetel valıýtasyndaǵy depozıt boıynsha - balamasy 5 mıllıon teńgeden aspaıdy.

Shetel valıýtasyndaǵy depozıtter boıynsha ótemaqy teńgemen tólenedi: agent-bankte aqshany naqty alý kúnine qaramastan ótemaqy somasyn esepteý úshin 2018 jylǵy 12 jeltoqsandaǵy aıyrbastaý baǵamy qoldanylatyn bolady. Salymdar boıynsha syıaqyny esepteý jáne kapıtaldandyrý 2018 jylǵy 12 jeltoqsanda toqtatyldy.

«Qazaq Banki» AQ-tyń salymshylaryna «Bank VTB (Qazaqstan)» AQ EU agent-bank arqyly tóleý 2018 jylǵy 24 jeltoqsanda bastalady.

«Bank VTB (Qazaqstan)» AQ EU agent-banki ótemaqyny alty aı ishinde tóleıtin bolady - 2018 jylǵy 24 jeltoqsannan bastap 2019 jylǵy 24 maýsymǵa deıin. Ol úshin jeke tulǵalar jáne dara kásipkerler - «Qazaq Banki» AQ-tyń klıentteri agent-banktiń Qazaqstan aýmaǵyndaǵy kez kelgen fılıalyna nemese bólimshesine júginýge quqyly.

QDKQ arnaıy rezerv qarajaty esebinen «Bank VTB (Qazaqstan)» AQ EU agent-bankin «Qazaq Banki» AQ-tyń salymshylaryna ótemaqy tóleý úshin tolyq kólemde aqsha qarajatymen qamtamasyz etedi.

24 jeltoqsannan bastap salymshylardyń ótinish berýi jáne ótemaqy alýy úshin Almaty, Astana, Shymkent, Aqtaý, Aqtóbe, Atyraý, Qaraǵandy, Kókshetaý, Qostanaı, Qyzylorda, Pavlodar, Petropavl, Semeı, Taldyqorǵan, Taraz, Oral jáne Óskemen qalalaryndaǵy agent-bank fılıalynyń jáne bólimshesiniń kez kelgen operatsııalyq zalyna ótinish berýi qajet.

Tıisti qujattardy berý tártibi men merzimderin «Qazaq Banki» AQ-tyń taratý komıssııasynan qosymsha naqtylaýǵa bolady:

Almaty q.: +7 (727) 380 39 51 telefony boıynsha nemese: Nazarbaev dańǵyly, 279-úı mekenjaıy boıynsha.

Astana q.: +7 (717) 291 92 60 telefony boıynsha nemese: Qonaev k-si, 14/3-úı mekenjaıy boıynsha («Nursaıa» bıznes ortalyǵy), 1-2-qabattar.

Agent-banktiń fılıaldary men bólimsheleriniń mekenjaılary «Bank VTB (Qazaqstan)» AQ EU: www.vtb-bank.kz ınternet-resýrsynda ornalastyrylǵan. Qosymsha aqparatty agent-banktiń anyqtama qyzmetinen: 5050 nómirinen (mobıldi telefonnan qońyraý shalý tegin) alýǵa bolady.

Aıta keteıik, «Qazaq Banki» AQ Qazaqstan Respýblıkasynyń Ulttyq Banki Basqarmasynyń 2018 jylǵy 27 tamyzdaǵy sheshiminiń negizinde barlyq banktik operatsııany júrgizýge lıtsenzııasynan aıyryldy. 2018 jylǵy 24 qazanda Almaty qalasynyń Mamandandyrylǵan aýdanaralyq ekonomıkalyq soty «Qazaq Banki» AQ-ty májbúrlep taratý týraly sheshim qabyldady. 2018 jylǵy 29 qarashada sottyń sheshimi boıynsha apellıatsııalyq shaǵym berildi. Apellıatsııalyq shaǵym boıynsha sot isiniń toqtatylýyna baılanysty Almaty qalasynyń MAES-tiń 2018 jylǵy 24 qazandaǵy sheshimi 2018 jylǵy 12 jeltoqsanda zańdy kúshine endi.

Basty sózder: QR Ulttyq banki, Ekonomıka,
Joǵary qaraı