Aýa raıy
Astana 9 °S
Almaty 13 °S
valıýta baǵamy
USD 389.62
EUR 429.98
RUB 6.06
CNY 55.08

Prezıdenttiń atyna ashylǵan feık-akkaýnttar: Berik Qurmanǵalı túsinik berdi

2019 jyldyń 17 sáýir 2019 15:46

NUR-SULTAN. QazAqparat - QR Prezıdenti Qasym-Jomart Toqaevtyń áleýmettik jelilerde eki akkaýnty ǵana bar. Bul týraly Memleket basshysynyń baspasóz hatshysy Berik Qurmanǵalı Feısbýktegi paraqshasynda jazdy.

B.Qurmanǵalı sońǵy kezderi ártúrli áleýmettik jelilerde Memleket basshynyń atynan ashylǵan jalǵan paraqshalardyń kóbeıgenin, olardyń túrli maqsatta paıdalanylyp jatqanyn atap ótti.

«Sońǵy kezderi ártúrli áleýmettik jelilerde Memleket basshynyń atynan ashylǵan feık akkaýnttar kóbeıip ketti. Sol arqyly jalǵan aqparat taratyp jatqandar da bar, keıbiri ony kommertsııalyq maqsatta qoldanýda. Osyǵan baılanysty barsha áleýmettik medıa qoldanýshylar men BAQ ókilderine eskerterimiz - Qazaqstan Prezıdenti Qasym-Jomart Toqaevtyń atyna resmı tirkelgen eki akkaýnt qana bar. Olar: Twitter jelisinde 2011 jyldan beri jumys istep kele jatqan - @TokayevKZ, sondaı-aq 2019 jyldyń sáýir aıynda Instagram jelisinde ashylǵan @tokayev_online akkaýnty», - dep jazdy ol.

B. Qurmanǵalı Memleket basshysy týraly naqty rastalǵan aqparat alý úshin barsha áleýmettik jeli qoldanýshylaryn joǵaryda kórsetilgen resmı akkaýnttarǵa ǵana júginýge shaqyrdy.

Joǵary qaraı