Aýa raıy
Astana 11 °S
Almaty 16 °S
valıýta baǵamy
USD 389.98
EUR 434.01
RUB 6.10
CNY 55.04

Prezıdent «Jyl volonteri» halyqaralyq syılyǵyn taǵaıyndaýdy usyndy

2019 jyldyń 21 mamyr 2019 17:55

QOSTANAI. QazAqparat - Qazaqstan-Reseı jastarynyń halyqaralyq forýmyna qatysqan Qasym-Jomart Toqaev erikti jastarǵa arnap syılyq taǵaıyndaýdy usyndy, dep habarlaıdy QazAqparat.

Memleket basshysy Qazaqstan men Reseıdegi volonterler qozǵalysynyń bolashaǵy týraly aıta kelip, erikti jastardy qoldaý sharalaryn kóbeıtýdi usyndy.

«Búgin sizderge, jas urpaqqa birneshe usynys jasamaqpyn. Solardyń biri - volonterler qozǵalysyn damytý. Birinshiden, erikti jastardy keshendi túrde qoldaý sharalaryn bekitý qajet. «Jyl volonteri» halyqaralyq syılyǵyn taǵaıyndaýdy usynamyn. Bul syıaqy eki eldiń úzdik volonterlik jobalaryna tapsyrylady. Osy arqyly olardyń belsendiligin arttyrýǵa jaǵdaı jasaımyz», - dedi Qasym-Jomart Toqaev óz sózinde.

Sonymen birge, QR Prezıdenti volonterler keńesin qurýdy usyndy. Aıtýynsha, bul Qazaqstan men Reseı arasyndaǵy yntymaqtastyqty odan ári damytýǵa úles qosady.

Forýmdy qorytyndylaǵan Memleket basshysy jastardy el basqarý salasyna jaqyndatýdyń mańyzyna toqtaldy.

«Jas urpaqtyń eńbekqor, kreatıvti, aldyna maqsat qoıa biletin qasıetterin joǵary baǵalaımyn. Qazaqstannyń bolashaǵy úshin alańdamaýǵa bolady. Jastar el basqarý salasynda aıryqsha ról atqarýy tıis. Sondyqtan, biz, aǵa býyn, olardy memleket basqarý tetikterine osy bastan úıretýge mindettimiz. Al, jastar, sizder de osyǵan laıyqty bolyńyzdar!» - dedi Q.Toqaev.

Búgin Memleket basshysy Qasym-Jomart Toqaev Qostanaıǵa jumys sapary barysynda halyqaralyq jastar forýmyna qatysty.

Joǵary qaraı