Aýa raıy
Astana -1 °S
Almaty 1 °S
valıýta baǵamy
USD 389.75
EUR 434.26
RUB 6.12
CNY 55.05

Prezıdent tapsyrmasy: Gúlshara Ábdiqalyqova bastaǵan Úkimet músheleri BQO turǵyndarymen kezdesti

2019 jyldyń 13 naýryz 2019 18:00

ORAL. QazAqparat - Elbasynyń «Áleýmettik qamqorlyq» jańa áleýmettik sharalaryn iske asyrý boıynsha QR Premer-mınıstriniń orynbasary Gúlshara Ábdiqalyqova bastaǵan Úkimet músheleri BQO turǵyndarymen kezdesti, dep habarlaıdy QazAqparat tilshisi.

BQO máslıhatynyń májilis zalynda ótken sharany Batys Qazaqstan oblysynyń ákimi Altaı Kólginov ashyp, alǵashqy sózdi Úkimet basshysynyń orynbasary Gúlshara Ábdiqalyqovaǵa berdi.

Gúlshara Naýshaqyzy atap ótkendeı, Elbasymyzdyń jýyrda ǵana ótken «Nur Otan» partııasynyń HVІІІ sezinde jańa áleýmettik sharalardy júzege asyrý jóninde Úkimet pen ákimdikterge tapsyrmalar bergeni málim. Memleket basshysy halyqty qolǵa alynyp jatqan osy ózgeristermen keńinen tanystyrý jáne sharalardyń júzege asyrylýyn baqylaý qajettigin nyqtap aıtty.


null

«Osyǵan oraı Úkimet músheleri túsindirý jumystaryn batys óńirlerden bastady. Keshe Atyraý oblysynda bolsaq, búgin Batys Qazaqstanǵa kelip otyrmyz. Bizdiń basty maqsatymyz -turǵyndarǵa túsindirýmen qatar jergilikti jerde másele bolsa, sony qarastyrý, sheshý. Basty ózgeristerdi úsh topqa bólip aıtsaq, sonyń birinshisi - eń kómekke muqtaj, kópbalaly otbasylarǵa qolushyn berý. Sonymen qatar eń tómengi aılyq tabysy bar azamattardy qoldaý erekshe mańyzdy. Sonyń ishinde bıýdjettik salada jumys jasaıtyn qyzmetkerler de bar. Ekinshiden, baspanamen qamtýdy jaqsartý, sondaı-aq medıtsınalyq, bilim berý qyzmetteriniń sapasyn kóterý. Úshinshi, óńirlerdi damytý. Buǵan jergilikti jerlerde jol salý, aýyz sýmen, elektr qýatymen qamtý máseleleri kiredi. Biz osy máselelerdi tolyq túsindire otyryp, halyqtyń usynys-pikirlerine qulaq asyp, jergilikti jerlerde olarǵa qyzmettiń qalaı kórsetilip jatqanymen tanysamyz», - dedi Gúlshara Ábdiqalyqova.


null

Budan keıin QR Eńbek jáne halyqty áleýmettik qorǵaý mınıstri Berdibek Saparbaev, Bilim jáne ǵylym mınıstri Kúlásh Shámshıdınova, Densaýlyq saqtaý mınıstri Eljan Birtanov, Indýstrııa jáne ınfraqurylymdyq damý mınıstrligi Qurylys jáne turǵyn úı-kommýnaldyq sharýashylyq isteri komıtetiniń tóraǵasy Marhabat Jaıymbetov jáne «Nur Otan» partııasynyń hatshysy Qanybek Jumashev Elbasy tapsyrmasyna sáıkes óz salalary boıynsha atqarylatyn jumys barysyna toqtaldy.

Úkimet músheleri zalǵa jınalǵan turǵyndar, sonyń ishinde baspanadan qıyndyq kórip otyrǵan kópbalaly analardyń saýaldaryna da jaýap berdi.

Vıtse-premer bastaǵan jumys toby sapar barysynda Oraldaǵy «Smart Oral» halyqqa qyzmet kórsetý ortalyǵy, jumyspen qamtý ortalyǵy men zeınetaqy tóleý jónindegi memlekettik ortalyǵynyń bólimshesinde bolyp, olardyń qyzmetimen tanysty.

Joǵary qaraı