Aýa raıy
Astana -3 °S
Almaty 15 °S
valıýta baǵamy
USD 389.98
EUR 434.01
RUB 6.10
CNY 55.04

Prezıdent alǵashqy saparyn nelikten Túrkistannan bastaǵanyn túsindirdi

2019 jyldyń 23 naýryz 2019 14:30

TÚRKІSTAN. QazAqparat - Búgin Qazaqstan Respýblıkasynyń Prezıdenti Qasym-Jomart Toqaev Túrkistan oblysynyń atqarýshy organ basshylarymen, ardagerler jáne zııaly qaýym ókilderimen kezdesti, dep habarlaıdy QazAqparat tilshisi.

Jıynda Memleket basshysy óńirdi órkendetý, onyń ortalyǵy - Túrkistan qalasyn damytý máselesi boıynsha oı qozǵap, aldaǵy josparlarymen bólisti.

«Elbasymyzdyń reformalary Qazaqstandy damý jlyna shyǵardy. Biraq álemde básekelestik artýda. Jańadan syn qaterler paıda bolýda. Jalpy búkil dúnıejúziniń daǵdarys bolyp, álemniń bolashaǵy bulyńǵyr bolýda.Sondyqtan toqtap qalýǵa múldem bolmaıdy. Halyqymyzdyń birligi, ultarpalyq kelisim, kúshti ekonmıka ári qaraı alǵa basýdyń negizgi kepili»,- dedi Qasym-Jomart Toqaev.

Memleket basshysy Túrkistan oblysy dotatsııalyq óńir degen attan arylyp, óndiristi damytý, jumys oryndaryn ashý baǵytynda aýqymdy jumystar júrgizilýi kerek ekenin aıtty. Túrkistan qalasynyń ınfraqurylymyn damytý, aýyz sý, gaz jáne sapaly elektr qýatymen, halyqqa qajetti qyzmet kórsetý ortalyqtary men bank bólimshelerin, saýda oryndaryn ashý jóninde tapsyrma berdi. Túrkistandy ǵylym men mádenıettiń rýhanııattyń ortalyǵyna aınaldyrý boıynsha naqty jospar jasaý jóninde mindet júktedi.

«Búgin halqymyzdyń rýhanı astanasy Túrkistan - elimizdiń altyn besigi, mádenıetimiz ben rýhanııatymyzdyń sımvoly, búkil halqymyzdyń boıtumary. Bul qasıetti jerdi kózimizdiń qarashyǵyndaı saqtap, damytýymyz kerek. Elbasy Nursultan Nazarbaev «Túrkistan tarıhy - barsha qazaqtyń tarıhy» dep, bul qalaǵa erekshe mártebe berý týraly sheshimi kezdeısoq emes. Ejelgi Túrkistannyń jańǵyrý jáne jańarýy damý jolymyzdyń durystyǵyn kórsetedi. Prezıdent retinde saparymdy Túrkistannan bastaý men úshin asa mańyzdy»,- dedi Qasym-Jomart Toqaev.

Memleket basshysy sonymen qatar Túrkistan oblysynyń ákimi Ómirzaq Shókeev Túrkistandy túletýdegi kúrdeli jumysty uıymdastyryp, tabysty júzege asyrady dep senim bildirdi.

Joǵary qaraı