Awa rayı
Nur-Sultan 15 °S
Almatı 17 °S
valyuta bağamı
USD 377.33
EUR 424.68
RUB 5.92
CNY 56.17

Prezïdent alğaşqı saparın nelіkten Türkіstannan bastağanın tüsіndіrdі

2019 jıldıñ 23 nawrız 2019 14:30 1326

TÜRKІSTAN. QazAqparat - Bügіn Qazaqstan Respwblïkasınıñ Prezïdentі Qasım-Jomart Toqaev Türkіstan oblısınıñ atqarwşı organ basşılarımen, ardagerler jäne zïyalı qawım ökіlderіmen kezdestі, dep xabarlaydı QazAqparat tіlşіsі.

Jïında Memleket basşısı öñіrdі örkendetw, onıñ ortalığı - Türkіstan qalasın damıtw mäselesі boyınşa oy qozğap, aldağı josparlarımen bölіstі.  

«Elbasımızdıñ reformaları Qazaqstandı damw jlına şığardı. Bіraq älemde bäsekelestіk artwda. Jañadan sın qaterler payda bolwda. Jalpı bükіl dünïejüzіnіñ dağdarıs bolıp, älemnіñ bolaşağı bulıñğır bolwda.Sondıqtan toqtap qalwğa müldem bolmaydı. Xalıqımızdıñ bіrlіgі, ultarpalıq kelіsіm, küştі ekonmïka ärі qaray alğa baswdıñ negіzgі kepіlі»,- dedі Qasım-Jomart Toqaev.

Memleket basşısı Türkіstan oblısı dotacïyalıq öñіr degen attan arılıp, öndіrіstі damıtw, jumıs orındarın aşw bağıtında awqımdı jumıstar jürgіzіlwі kerek ekenіn ayttı. Türkіstan qalasınıñ ïnfraqurılımın damıtw, awız sw, gaz jäne sapalı elektr qwatımen, xalıqqa qajettі qızmet körsetw ortalıqtarı men bank bölіmşelerіn, sawda orındarın aşw jönіnde tapsırma berdі. Türkіstandı ğılım men mädenïettіñ rwxanïyattıñ ortalığına aynaldırw boyınşa naqtı jospar jasaw jönіnde mіndet jüktedі.

«Bügіn xalqımızdıñ rwxanï astanası Türkіstan - elіmіzdіñ altın besіgі, mädenïetіmіz ben rwxanïyatımızdıñ sïmvolı, bükіl xalqımızdıñ boytumarı. Bul qasïettі jerdі közіmіzdіñ qaraşığınday saqtap, damıtwımız kerek. Elbası Nursultan Nazarbaev «Türkіstan tarïxı - barşa qazaqtıñ tarïxı» dep, bul qalağa erekşe märtebe berw twralı şeşіmі kezdeysoq emes. Ejelgі Türkіstannıñ jañğırw jäne jañarwı damw jolımızdıñ durıstığın körsetedі.  Prezïdent retіnde saparımdı Türkіstannan bastaw men üşіn asa mañızdı»,- dedі Qasım-Jomart Toqaev.  

Memleket basşısı sonımen qatar Türkіstan oblısınıñ äkіmі Ömіrzaq Şökeev Türkіstandı tületwdegі kürdelі jumıstı uyımdastırıp, tabıstı jüzege asıradı dep senіm bіldіrdі.

 

 

 

Joğarı qaray