Aýa raıy
Astana 8 °S
Almaty 11 °S
valıýta baǵamy
USD 389.62
EUR 429.98
RUB 6.06
CNY 55.08

Polıtseı kúndeligi: Sýǵa ketken balyqshy, vokzaldaǵy tonaý jáne 845 myń teńge

2019 jyldyń 18 maýsym 2019 16:37

NUR-SULTAN. QazAqparat - Saqshy bolý ár aptanyń 7 kúninde, ár kúnniń 24 saǵatynda qyraǵy júrýdi talap etedi. QazAqparat osy talapty oıdaǵydaı oryndap júrgen birneshe qyzmetkerler týraly maqalalar toptamasyn jalǵastyrady.

Oral qalasynda polıtsııa podpolkovnıgi Q.Jaqııanov pen aǵa serjant K.Temirǵalıev jolda ketip bara jatyp, tosyn oqıǵanyń ústinen túsedi. Derkól ózeninde balyq aýlap júrgen jigittiń qaıyǵy aýdarylyp bara jatqanyn kórgen qos saqshy kólikti birden ózenge burǵan. Balyqshynyń júzýge dármeni qalmaǵanyn túsingen polıtsıeıler birden sýǵa sekiredi. Shuǵyl árekettiń arqasynda balyqshy jaǵaǵa aman shyǵarylǵan.

Atyraý oblysynda polıtsııa kapıtany Toıǵoja Ázbergenov vokzalda adam pyshaqtap jatqan qylmyskerdi toqtatqan. ıÝvenaldyq polıtsııa tobynyń ýchaskelik ınspektory 2017 jyldyń 18 qarashasynda tańǵy saǵat 5.30-da vokzaldaǵy aıqaı-shýdy estıdi. Ashana jaqtan qashyp shyqqan adam qasyndaǵy dosyn bógde bireýdiń pyshaqtap jatqanyn aıtady. Kapıtan birden jolaýshy nusqaǵan jaqqa júgiredi. Kelse, rasymen de qandy shaıqastyń ústinen túsedi. Denesi qanǵa boıalǵan jábirlenýshini qolynda pyshaǵy bar qylmysker soqqynyń astyna alyp jatqan edi. Polıtseıge ony toqtatý úshin qarsy aıqasýǵa týra kelgen. Jaýyngerlik amaldar qoldana júrip, qylmyskerdi qolǵa túsiredi.

Pavlodar qalasynda ýchaskelik polıtsııanyń aǵa ınspektory Qaırat Qaıyrbekov mas adamnyń 845 myń teńgesin otbasyna aman jetkizgen. Ákimshilik ýchaskeni tekserý kezinde polıtsııa kapıtany dúkenniń mańynda sulap jatqan adamdy kóredi. Oıatpaq bolyp qasyna barǵanda onyń es-tússiz mas ekenin baıqaıdy. Oıatý áreketterinen eshteńe shyqpaǵan soń, kóshedegi adamdardyń kómegimen ony poltsııa bólimshesine jetkizedi. Qujattaryn izdeý kezinde mas adamnyń qaltasynda iri somadaǵy aqsha men qujattary bar ekenin kórgen. Onyń uıaly telefonynan qyzynyń nómirin taýyp, ákesiniń polıtsııa bólimshesinde jatqanyn habarlaıdy. Shaqyrtýǵa dereý qulaq asyp, jedel jetken qyzyna ákesiniń qujattarymen qosa 845 myń teńgeni qolhat jazǵyzyp, tabystaıdy.

Al Qaraǵandy qalasynda órt sóndirý jáne avarııalyq-qutqarý jumystary qyzmetiniń azamattyq qorǵaý starshınasy Renat Rezvanov gazǵa ýlanbaq bolǵan boıjetken men kórshilerin apattan aman alyp qalǵan.

2018 jyldyń 19 sáýir kúni saǵat 11.07-de mamandandyrylǵan jasaqtyń baılanys pýnktine Qaraǵandy qalasy, Rysqulov kóshesi, 7-úı, 37-páterde turatyn qyzdyń esikti ishten jaýyp, gazdyń kranyn ashyp qoıǵany týraly habarlama kelip túsken. Barlaý kezinde 23 jastaǵy qyzdyń 3-qabatta ornalasqan páterde gaz kranyn ashyp, ózin-ózi óltirmek bolǵany anyqtalady. Qyzben birge kórshi páterlerge de qaýip tóngenin eskergen Renat Rezvanov órt sóndirý satysy arqyly páterge enip, edende es-tússiz jatqan qyzdy tabady. Sál keshikse, gazben aýa qospasy úlken jarylysqa aınalar edi. Sarbaz birden gaz kranyn jaýyp, bólmeni jeldetken. Onyń shalt qımylynyń arqasnyda qyz da aman qalyp, alapat jarylystyń joly da kesilgen.

Basty sózder: QR ІІM, Batys Qazaqstan oblysy,
Joǵary qaraı