Aýa raıy
Astana 17 °S
Almaty 26 °S
valıýta baǵamy
USD 384.52
EUR 431.32
RUB 6.10
CNY 55.89

Polıtseı kúndeligi: Ógeı ákeniń zábiri, «asaý júrgizýshi»

2019 jyldyń 17 maýsym 2019 17:00 855

NUR-SULTAN. QazAqparat - Erligin elge úlgi etýge laıyq polıtseıler qoǵamda barshylyq. QazAqparat solardyń ónegeli isteri týraly maqalalar toptamasyn jalǵastyrady.

Bul oqıǵa Oral qalasynda 2018 jyly 8 jeloqsan kúni bolǵan. Dostyq dańǵyly, 244-úı mekenjaıynda jigitter tóbelesip, mańaıdyń mazasyn alǵan. Qyraǵy turǵyndar birden polıtsııa shaqyrady. Saqshylar kelgende buzaqylardyń bári úıge kirip úlgergen bolatyn. Polıtsııa kapıtany Muhıt Abýlhaırov pen leıtenant Jandos Qubaevqa tóbelestiń aıaq astynan tyna qalǵany kúdikti kórigen. Bir kezde 9 qabattaǵy páterden áıel adamnyń janushyrǵan aıǵaıy estiledi. Kómek suraǵan daýysqa qaraı júgiredi saqshylar. Olar 9-qabatqa shyqqanda bes jasar uldyń tamaǵyna pyshaq tirep alǵan er adamdy kóredi. Ógeı áke balanyń anasyn aldyna osylaı keltirmek bolǵan eken.

Artyq qımyl jasasa, ótkir pyshaq balanyń janyn qııatynyn túsingen saqshylar ashýly jigitti jaımen áńgimege tarta bastaıdy. Jigit sál bosańsyǵan sátte poltseılerdiń biri qolynan pyshaqty qaǵyp, ekinshisi balany qapsyra qushaqtaıdy. Qas pen kózdiń arasynda bolǵan aıqasta bala da, ógeı áke de jaraqat almaǵan.  

1993 jylǵy jigittiń ishimdik ishkeni keıin anyqtaldy. Oǵan qarsy Qylmystyq kodekstiń 115-baby boıynsha is qozǵalyp, tergeý amaldary júrgizilýde. Al beıkúná balanyń ómirin bir ajaldan alyp qalǵan qos saqshyny sábıdiń týystary marapattaýdy suraǵan. Alaıda, Muhıt Abýlhaırov pen Jandos Qubaevqa halyqtyń jyly sózi men shynaıy alǵysynan asqan bıik mártebe joq.

Al astana kóshesinde kóligimen atoı salyp, beısaýat eldiń ómirine qaýip tóndirgen «asaý júrgizýshini»  Nur-Sultan qalasynyń polıtsııa departamentine qarasty jol-patrýldik polıtsııa polkiniń ınspektory Jandos Ózbek pen polıtsııa aǵa serjanty Rýslan Shmıdt sabasyna túsirgen bolatyn.

Rýslan men Jandos qala kóshelerin patrýldeý kezinde eshkimge des bermegen esersoq júrgizýshige «quryq saldy». 21  qarasha kúni belgisiz júrgizýshi kólik apatyn jasap, oqıǵa ornynan izin jasyryp úrgeredi.  Erteńinde qala kóshelerindegi kameranyń birine kúdik kólik túsip qalady. «Bárimiz kúdikti kóliktiń sońyna tústik. Júrgizýshi Kenesary kóshesimen kele jatyp, Sembınov kóshesine kilt buryldy. Abaı men Sembınov kósheleriniń qıylysyna kelgende baǵdarshamnyń qyzyl túsi jandy da, kúdikti uzaı berdi. Sonda da qol qýsyryp otyrmaı,  daýys ulǵaıtqyshpen joldyń oń jaǵyna qaraı toqtaýyn buıyrdyq. Alǵashynda ońǵa qaraı yǵysqandaı boldy da, alystaı berdi. Sembınov kóshesinen solǵa burylǵan tusta biz de sońynan jetken bolatynbyz. Daýys ulǵaıtqyshpen úsh ret aıtqanda baǵynbasa, zańdy talap oryndalmaǵan bolyp esepteledi. Biz sol kezde basqa avtopatrýlderge ratsııa arqyly habarladyq», - dep eske alady Jandos Ózbek.

Kólik júrgizýshisi qolǵa túspeý úshin avtobýsty búıirimen janap ótip, jolda synyp turǵan kóliktiń syrtynan aınalyp ótedi. Al Seıfýllın-Asan qaıǵy kósheleri qıylysynda jaıaý júrginshini qaǵyp kete jazdaıdy. Jan-jaqtan qyspaqqa túsken tizginshi Abaı kóshesine qaıta túsedi. Osy sátti paıdalanǵan polıtsııa qyzmetkerleri kóshedegi barlyq baǵdarshamdy qyzylǵa aýystyra qoıady. Qalyń keptelistiń ortasynda qalǵan «asaý júrgizýshi» sonda ǵana damyldaıdy.

Rýslan men Jandos osy kezde uıymdasyp áreket etedi. Júrgizýshi olr kelgende esiktiń bárin ishten qulyptap alǵan bolatyn.

«Ol qarsylyq tanytyp, esigin ashpaı qoıdy. Men oń jaq esiktiń terezesin kisenmen syndyrdym. Qolymdy salyp esiktiń tutqasyn tartyp ashtym. Osy tusta seriktesim shıraq qımyldap, 2 sekýndta júrgizýshini syrtqa alyp shyqty. Qoıan-qoltyq kúrestiń ádis-tásilderin qoldanyp, qolyna kisen saldyq. Onyń ústinen birneshe bap boıynsha ákimshilik hattama toltyryldy. Ózinde júrgizýshi kýáligi men saqtandyrý polıýsi de joq eken», - dedi Rýslan Shmıdt.

Jandostyń polıtsııa qatarynda qyzmet etip júrgenine 3 jyl. Ol Jambyl oblysy, Shý aýdany, Qonaev aýylynyń týmasy. Qaraǵandy respýblıkalyq áskerı mektep-ınternatyn bitirgen. Ony támamdaı sala áskerı boryshyn óteýge attanǵan. Seriktesi Rýslan Shmıdt ekeýi zamandas. Onyń da tártip pen tynyshtyq kúzetinde júrgenine 5 jyldaı bolǵan. Týyp ósken jeri - Almaty oblysy, Іle aýdany, Aqshı aýyly. Ol Almatydaǵy kolledjderdiń birinde bilim alyp, Otan aldyndaǵy áskerı boryshyn ótegen. 2013 jyly áskerden oralyp, osy salaǵa bet burǵan. Olar búginde quqyq qorǵaý organdary qyzmetiniń qyr-syryna qanyqqan bilikti mamanǵa aınalyp keledi.

 

 

Basty sózder: QR ІІM, Qoǵam,
Joǵary qaraı