Awa rayı
Astana 14 °S
Almatı 19 °S
valyuta bağamı
USD 360.71
EUR 411.53
RUB 5.38
CNY 52.62

Pxençxan: Qazaqstandıq sportşılardıñ jarıstıñ 5-şі künіndegі nätïjelerі

2018 jıldıñ 13 aqpan 2018 22:34 831

PXENÇXAN. QazAqparat - 13 aqpan künі Oñtüstіk Koreyanıñ Pxençxan qalasında ötіp jatqan Olïmpïada oyındarında qazaq sportşıları jülde ala almadı, dep xabarlaydı QazAqparat tіlşіsі.

Bügіn, yağnï Olïmpïada oyındarınıñ besіnşі künі qazaqstandıq sportşılar sporttıñ 4 türіnen baq sınadı. Alayda bіrde-bіr sportşımız jüldege іlіge alğan joq.

Aytalıq, bügіn şañğışı Aleksey Poltoranïnnіñ jolına ümіtpen qaradıq. Alayda ol klassïkalıq sprïnt sayısınıñ şïrek fïnalında törtіnşі orınğa taban tіredі. Fïnalğa bіrіnşі jäne ekіnşі orındarğa qol jetkіzgen sportşılar şığatın bolğandıqtan, bul körsetkіş Poltoranïnnіñ fïnalğa şığwına jetkіlіksіz boldı. Sonday-aq, osı sport türіnen äyelder arasında Anna Şevçenko el namısın qorğap, ol da şïrek fïnaldan arı asa alğan joq. Ol klassïkalıq sprïnttіñ alğaşqı іrіktew sınınan sürіnbey ötken bolatın. Ökіnіşke qaray, şïrek fïnalda 6-şı orınğa qol jetkіzgen sportşımız jartılay fïnalğa jete almadı.

Al bügіn taw şañğı sportınan sayısqa tüsken qazaqstandıq Ïgor Zakwrdaev jarıstı 31-şі orında ayaqtasa, şort-trekten 1000 metr qaşıqtıqta sınğa tüsken Nurbergen Jumağazïev іrіktew kezeñіnen sürіndі. Ol öz tobında törtіnşі orın aldı.

Sonday-aq, bügіn qazaqstandıq şorttrekşіler erler arasındağı estafeta sayısında öner körsettі. Onda Denïs Nïkïşa, Nurbergen Jumağazïev, Abzal Äjіğälïev pen Erkebulan Şamuxanov bastağan qurama 5000 metr qaşıqtıqqa sayısta öz tobında üşіnşі orın alıp, fïnalğa şığa almadı. Estafetada Qazaqstan quraması Kanada men Qıtay komandalarınan jeñіlіp qaldı.

Bügіn soñğı jarıstı qazaqstandıq sportşılardan konkïşіler ayaqtadı. Atalğan sport türіnen Fedor Mezencev pen Denïs Kwzïn 1500 metr qaşıqtıqqa sayısqa tüsken bolatın. Ökіnіşke qaray, qazaqstandıqtar üzdіk jïırma sportşınıñ qatarına іlіne almadı. Mezencev sayıstı 28-şі, al Kwzïn 30-şı bolıp ayaqtadı.

 

 

Avtor: Künsultan Otarbay
Bastı sözder: Olïmpïada, Sport,
Joğarı qaray