Awa rayı
Astana -13 °S
Almatı -9 °S
valyuta bağamı
USD 375.95
EUR 425.80
RUB 5.74
CNY 55.94

PhD alw üşіn şeteldіk basılımdarda jarïyalanw talabı: Sağıntaev sebebіn tüsіndіrdі

2019 jıldıñ 21 qañtar 2019 17:36 2020

ASTANA. QazAqparat - Fïlosofïya (PhD) doktorı därejelerіne ümіtkerler üşіn xalıqaralıq reytïngtіk basılımdarda jarïyalanw talabı jas ğalımdardıñ akademïyalıq jazw deñgeyіn joğarılatwğa septіgіn tïgіzedі Bul twralı Mäjіlіs depwtattarınıñ resmï sawalına oray QR Premer-Mïnïstrі Baqıtjan Sağıntaevtıñ jawabında aytılğan, dep xabarlaydı QazAqparat tіlşіsі.

«Qazaqstandıq fïlosofïya (PhD) doktorı dïplomdarınıñ xalıqaralıq bіlіm berw keñіstіgіnde salıstırımdılığı doktoranttar dayarlawdıñ jäne qorğalatın dïssertacïyalar deñgeyіnіñ joğarı sapasın közdeydі. Bul 2011 jılı doktorantwranıñ jaña modelіn engіzw kezіnde Clarivate Analytics derekter bazasında ïmpakt-faktorı bar nemese Scopus bazasına kіretіn şeteldіk basılımdarda jarïyalanım bolw talabınıñ maqsatqa say ekendіgіn ayqındap berdі. QR Bіlіm jäne ğılım mïnïstrіnіñ 2011 jılğı 31 nawrızdağı № 127 buyrığımen bekіtіlgen Därejeler berw qağïdalarına säykes doktoranttıñ jetі jarïyalanımınıñ bіrewі xalıqaralıq recenzïyalanatın basılımda jarïyalanwı qajet», - dedі Baqıtjan Sağıntaev.

Bul rette, Ükіmet basşısınıñ atap ötwіnşe, texnïkalıq bağıttarmen salıstırğanda doktorantwranıñ gwmanïtarlıq dayarlıq bağıttarı üşіn tañdaw köbіrek - şeteldіk jwrnal Clarivate Analytics aqparattıq kompanïyasınıñ derekter bazasında (Web of Science Core Collection) nöldіk emes ïmpakt-faktorğa ïe nemese ïndeksacïyalanatın bolwı kerek nemese Scopus, JSTOR bazalarına kіrwі qajet.

«2017 jılğı 581 tülektіñ іşіnen 406 doktorant nemese şamamen 70% dïssertacïyaların qorğadı. Olardıñ barlığı dïssertacïyaların qorğağanğa deyіn şeteldіk maqalalar jarïyalağan. Waqıtında qorğalmaytın doktorlıq dïssertacïyalar probleması JOO-da doktoranttardı dayarlaw sapası men baqılaw mäselesіne jatadı. Clarivate Analytics jäne Scopus bazasına kіretіn şeteldіk basılımdardıñ negіzgі ölşemşarttarı - maqalanıñ sapası men onıñ bіregeylіgі, xalıqaralıq nemese jahandıq közqaras, qorıtındılardıñ şınayılığı men obektïvtіlіgі, logïkalıq mazmundalğan däleldemesі. Sonımen qatar, bazalarda ïndeksacïyalanw üşіn jwrnaldar jarïyalanımdardıñ xalıqaralıq sïpatın jäne avtorlardıñ keñ geografïyasın körsetwі tïіs. Şeteldіk reytïngtіk basılımdarda jarïyalanw mümkіndіgі doktoranttardı dayarlaw bağıtına täweldі emes», - dep atap ötedі Ükіmet basşısı.

Onıñ deregіnşe, soñğı 3 jılda jalpı qorğawlar іşіnde gwmanïtarlıq beyіndegі doktoranttar sanı 29 payızdı quraydı jäne olardıñ bärіnde talap etіletіn şeteldіk jarïyalanım bar. Bul rette, doktorantwranıñ bіlіm berw bağdarlaması reytïngtіk şeteldіk basılımdarda dïssertacïyalar nätïjelerіn jarïyalaw üşіn jetkіlіktі mümkіndіkter jasaydı. Aytalıq, doktorantwra boyınşa Memlekettіk jalpığa mіndettі bіlіm berw standartına säykes doktorlıq dïssertacïya jönіndegі ğılımï konswltanttardıñ bіrі bolıp şeteldіk ğalım tağayındaladı. Sonday-aq dayarlıq bağıtına qaramastan barlıq doktoranttar şetelde ğılımï tağılımdamadan ötwge tïіs. Clarivate Analytics jäne Scopus derekter bazasındağı gwmanïtarlıq bağıttar boyınşa reytïngtіk jwrnaldardıñ sanı doktoranttardıñ zerttewlerіne saykes keletіn jwrnaldı tabwğa jetkіlіktі. Clarivate Analytics derekter bazasında ïmpakt-faktorı bar jwrnaldardıñ 22 payızı (1700) älewmettіk ğılımdarğa jatqızılğan. Scopus bazasında älewmettіk (gwmanïtarlıq) ğılımdar jäne ömіr twralı ğılımdar boyınşa basılımdar tïіsіnşe 24 pen 15 payızdı quraydı.

«Sonımen bіrge, doktoranttar men ğılımï ataqtarğa ümіtkerlerdіñ ğılımï qızmetіnіñ nätïjelerіn jarïyalawğa sapası joğarılaw reytïngtіk jwrnaldardı іrіktew üşіn Qazaqstan Respwblïkası Prezïdentі Äkіmşіlіgіnіñ tapsırmasına säykes Därejeler berw qağïdalarına jäne Ğılımï ataqtar (qawımdastırılğan professor (docent), professor) berw erejesіne bïblïometrïyalıq körsetkіşterdі (Clarivate Analytics kompanïyasınıñ Journal Citation Reports deregі boyınşa kvartïl jäne Scopus bazası boyınşa CiteScore procentïl korsetkіşі) paydalanwdı közdeytіn özgerіster engіzіlwde. Osılayşa, fïlosofïya (PhD) doktorı, beyіnі boyınşa doktor därejelerіne ümіtkerler üşіn xalıqaralıq reytïngtіk basılımdarda jarïyalanw talabı jas ğalımdardıñ akademïyalıq jazw deñgeyіn joğarılatwğa, sonday-aq ulttıq gwmanïtarlıq ğılımdı xalıqaralıq ğılımï keñіstіkte bіregey älewmettіk bіlіm retіnde tanımal etwge bağıttalğan», - dedі Premer-Mïnïstr.

 

 

Joğarı qaray