Awa rayı
Nur-Sultan 0 °S
Almatı 29 °S
valyuta bağamı
USD 384.05
EUR 432.79
RUB 5.96
CNY 55.46

Petropavldıq turğın jüzіmnіñ 10-nan astam türіn ösіredі

2019 jıldıñ 26 mamır 2019 16:30 666

PETROPAVL. QazAqparat - Petropavl qalasınıñ turğını Vladïmïr Doljnïkov sayajayında jüzіmnіñ ğana 10-nan astam türіn ösіrіp, jemіs alıp otır, dep xabarlaydı QazAqparat tіlşіsі.

Soltüstіkqazaqstandıqtar kökönіs-jemіstі satıp alğannan görі, özderі ösіrgendі jön sanaydı. Oblısta qajettі önіmnіñ 40 payızı sayajaylarda ösіrіledі. Turğındar tіptі, jılw süygіş jemіs - jüzіmdі de köptep egetіn bolğan. Vladïmïr Doljnïkovtıñ sayajayında bul ösіmdіktіñ ğana 10 şaqtı türі bar.

Qızıl, jasıl, aqşıl, qara, kärіptas tüstes, külgіn - jüzіmnіñ tüsі ğana emes, dämі de san alwan boladı, deydі täjіrïbelі bağban. Mäselen, "Almatı -9" surıpı öte tättі bolsa, "Veles" attı jüzіm jupar şırındı keledі  eken. Onıñ sayajayındağı jüzіmderdіñ barlığı qoñırjay jılı awa rayına beyіmdelgen, erte pіsetіn sorttar. «Gagarïnskïy» dep atalğanı 118-122 künnіñ іşіnde pіsіp jetіledі.

«Mende jüzіmnіñ 15 türі boldı. Alayda awa-rayına baylanıstı olardıñ keybіrіnen bas tartwğa twra keldі. Öytkenі jetіlіp ülgermeydі. Jaqsı jemіs alw üşіn jaz ıstıq bolw kerek. Soñğı ekі jıl boyı qısta qar az, ayaz boldı. Al jüzіmnіñ tamırı älsіz keledі, sol sebeptі üsіp kettі. Bıltır wçaskege sw kіrіp, ösіmdіkter bіr ay sw astında turdı. Bul da jemіstіñ pіsіp ülgermewіne äser ettі», - deydі Vladïmïr Doljnïkov.

Vladïmïr Doljnïkovtıñ jüzіm ösіrwmen aynalısqanına otız jılğa jwıq. Burınğı uşqış, endі bіlіktі bağbanğa aynalğan. Arnayı bіlіmі bolmasa da, jılw süygіş ösіmdіktіñ babın tawıp otır. Aytwınşa, bіr tüpten 30 kelіge deyіn önіm alğan kezderі bolıptı. Bіraq, jemіstі qısqa saqtawğa kelmeydі. Sondıqtan, ol körşі-qolañğa, twıstarğa taratıladı. Artılğanı üy şarabın äzіrlewge ketedі eken.

Sayajaydağı 5 sotıq jerden Qïır Şığıs, Oral, Altay, Vladïvostok pen Zawrale ölkesіnіñ jurnağın köresіñ. Sayajayda Germanïya men Japonïyada ösetіn ösіmdіkter de bar.

«Eldіñ oñtüstіgіnen äkelіnetіn jüzіmder xïmïyalıq därіlewden ötedі. Öytkenі, ol jaqta jemіs türlі awrwğa şaldıqqış. Mısalı, krasnodarlıq bağban Kwrdyumovtıñ aytqanı bar, jüzіm pіskenşe deyіn 9 ret därіlenedі eken. Al, därі mіndettі türde jemіske tïedі. Al, bіzde bul ösіmdіk awırmaydı. Xïmïya qoldanılmağandıqtan ol - ekologïyalıq taza önіm», - deydі bağban.

Soltüstіkqazaqstandıq sayajayşılardıñ köpşіlіgі osınday pіkіrde. «Taza önіm jegіñ kelse - özіñ ösіr», - deydі olar. Ärі - arzan. Qazіr oblısta  24 mıñ sayajay wçaskesі bar. Bul jerlerdіñ 40% kartop, şamamen 30% kökönіs egіlse, qalğanında jemіs-jïdek ösіp jatır.  

 

 

Joğarı qaray