Aýa raıy
Astana 24 °S
Almaty 24 °S
valıýta baǵamy
USD 384.39
EUR 431.71
RUB 6.11
CNY 55.88

Petropavldy jaılaǵan ótkir ıiske qatysty qylmystyq is qozǵaldy

2019 jyldyń 19 maýsym 2019 19:50 555

PETROPAVL. QazAqparat - Petropavlda belgisiz zat ıisiniń taralýyna baılanysty qylmystyq is qozǵalyp, ony Soltústik Qazaqstan oblystyq Polıtsııa departamenti men prokýratýra basshylyǵy jeke baqylaýǵa aldy, dep habarlaıdy QazAqparat tilshisi.

Petropavl bıligine ótkir ıisten qutylý úshin qalanyń kárizdik júıesin jýýǵa týra keldi. Osy oqıǵaǵa baılanysty «Qyzyljar sý» JShS brıfıng uıymdastyryp, mekemeniń bas ınjeneri Sergeı Vızerov atqarylǵan jumystar jaıynda aıtyp berdi.

«Kárizdik sorǵy stansasyn, kollektordy jýý úshin 400 lıtr suıyq jýǵysh zat paıdalandyq. Nátıjesinde ıisten qutyldyq. Bizdiń boljamymyz boıynsha bireýler kárizdik júıege belgisiz zatty quıyp, ol qatty ıis bólgen. Nendeı zat ekenin bilmeımiz», - deıdi Sergeı Vızerov.

Belgisiz zat ıisiniń taralý faktisi QR QK-niń 325-baby 1-bóligi («Ekologııalyq turǵydan áleýetti qaýipti hımııalyq nemese bıologııalyq zattarmen jumys isteý kezinde ekologııalyq talaptardy buzý») boıynsha Sotqa deıingi tergep-tekserýlerdiń biryńǵaı tizilimine engizildi.

«Qylmystyq istiń tergelýi SQO Polıtsııa departamenti men prokýratýra basshylyǵynyń baqylaýynda. Іsti tergeýmen Petropavl qalalyq polıtsııa basqarmasy men oblystyq apparattyń Tergeý basqarmasy qyzmetkerlerinen qurylǵan jedel-tergeý toby aınalysady. Birqatar qajetti saraptama taǵaıyndaldy», - delingen SQO PD baspasóz qyzmetiniń málimetinde.

Buǵan deıin petropavldyqtar gazǵa uqsas jaǵymsyz ıiske shaǵymdanyp jatqanyn habarlaǵan bolatynbyz. Mamandar sý men atmosferalyq aýanyń synamasyn alyp, saraptama qorytyndysy aýadaǵy gaz mólsheri shekti ruqsat etilgen kontsentratsııadan aspaıtyndyǵyn kórsetti.

 

 

 

 

 

 

 

Joǵary qaraı