Aýa raıy
Astana 10 °S
Almaty 23 °S
valıýta baǵamy
USD 389.52
EUR 429.21
RUB 6.07
CNY 54.94

Petropavlda jylý men jaryqty ysyrapsyz paıdalanatyn mektep paıda boldy

2018 jyldyń 9 jeltoqsan 2018 15:31

PETROPAVL. QazAqparat -Petropavl qalasynda qýat kózin únemdeıtin mektep paıda boldy. Oqý ordasy «Energotıimdilikti arttyrý» jobasymen halyqaralyq qarjy uıymynyń grantyn jeńip alyp, jańartý jumystary júrgizildidep habarlaıdy «Habar -24».

Endi bilim ordasynda jylý men jaryq ysyrapsyz shyǵyndalady. Bul mektep 80-jyly salyndy. Bıyl oqý ordasynda jańǵyrtý jumystary júrgizilip, jylý jáne jaryq júıesi jańartyldy.

Endi oqýshylar burynǵydaı búrseń qaǵyp otyrmaıdy.

«Byltyr keıbir kabınetterde sýyq bolatyn. Sondyqtan qalyń kúrte kıip otyratyn edik. Al qazir mektep jyly. Jylý men jaryq júıesi qýat kózin únemdeıdi. Jańǵyrtý jumystaryna 92 mln teńge jumsaldy. Bul halyqaralyq qarjy uıymynyń granty», -deıdi mektep oqýshysy Elızaveta Kravchýk.

Bul qurylǵy jylýdy avtomatty túrde retteıdi. Mekteptiń esik-terezeleri de túgel aýystyryldy. Bul bilim ordasynyń energotıimdiligin arttyryp, kommýnaldyq shyǵyndaryn azaıtýǵa múmkindik berdi.

«Energotıimdilikti arttyrý» jobasymen Qazaqstannyń 25 áleýmettik nysany jańǵyrtyldy. Olar - mektep, emhana jáne balabaqshalar.

Joǵary qaraı