Aýa raıy
Astana 25 °S
Almaty 28 °S
valıýta baǵamy
USD 386.80
EUR 429.27
RUB 5.78
CNY 54.89

Petropavlda nashaqor ákesiniń kóligin aıdap áketip, satpaq boldy

2019 jyldyń 18 shilde 2019 18:49 243

PETROPAVL. QazAqparat – Petropavl polıtseıleri jyl basynan avtokólik urlyǵyna qatysty 33 derekti tirkep, 32-sin ashty, dep habarlaıdy QazAqparat tilshisi.

Soltústik Qazaqstan oblysy Polıtsııa departamenti baspasóz qyzmetiniń habarlaýynsha, kóp jaǵdaıda Petropavlda avtokólikti jeńil olja, ıaǵnı satyp paıda tabý úshin emes, ýaqytsha miný úshin aıdap áketedi eken. Alaıda naýryz aıynda bolǵan oqıǵanyń oǵan qatysy joq. Petropavl qalasynyń esirtkige táýeldi 28 jastaǵy turǵyny ákesiniń «VAZ-2114» kóligin ruqsatsyz minip ketken. Mashınany qosalqy bólshek retinde satpaq bolypty, biraq tez arada satyp alýshy tabylmaǵan. Іs eki jaqtyń mámilege kelýimen toqtatyldy.

«Bul jerde kúdikti men jábirlenýshi týystar. Jalpy kóp jaǵdaıda kólikti aıdap áketýshi men zardap shegýshi tanys bolyp keledi. Osyndaı qylmystardy baılanystyratyn taǵy bir jaǵdaı – olardyń birge otyryp ishimdik ishýi. Kóz aldynda jatqan mashına kilti, mastyqpen oılaýǵa mursha bermeı, bireýdiń kóligin ruqsatsyz minip ketýge ákeledi», - deıdi Petropavl qalalyq Polıtsııa basqarmasy krımınaldyq polıtsııa bólimshesiniń bastyǵy Erbolat Qaptaev.

Kezdeısoq kólik aıdap ketýshiler de negizinen bul zańsyz áreketke mastyqpen barady. Tártip saqshylarynyń aıtýynsha, keıde tanystyń kóligin aram oısyz eskertpesten minip ketýdiń saldarynan avtomashınaǵa izdeý jarııalaǵan kezder bolypty.

«Túnde qarańǵy, beınekamera ornatylmaǵan jerde qaldyrylǵan kólik birinshi kezekte urlanady. Dabylqaqqysh jumys istese de kólik ıesi ıt-mysyq ne bolmasa qustan shyǵar dep mán bermeıdi. Aqyly turaqqa qoıýǵa múmkindik bolmasa, dabylqaqqysh ornatyp, urlaýdan qorǵaıtyn qosymsha qurylǵylardy ornatqan jón. Eger kólikte GPS-navıgator bolsa túngi ýaqytqa ony sóndirmegen durys. Al kúndiz mashınadan birer mınýtqa shyqsańyz da esiktiń durys jabylǵanyn baıqańyz», - dep keńes beredi Erbolat Qaptaev.

Joǵary qaraı