Aýa raıy
Astana 5 °S
Almaty 8 °S
valıýta baǵamy
USD 389.86
EUR 435.32
RUB 6.12
CNY 55.12

Petropavlda apattyq jaǵdaıdaǵy úılerdi buzyp jatyr

2019 jyldyń 21 aqpan 2019 17:28

PETROPAVL. QazAqparat - Bıyl Petropavlda tórt apattyq jaǵdaıdaǵy úıdi buzady, dep habarlaıdy QazAqparat tilshisi.

Bul týraly Soltústik Qazaqstan oblysynyń ákimi Qumar Aqsaqalov halyqpen eseptik kezdesýinde aıtty.

Petropavldaǵy apattyq úılerdiń máselesi uzaq jyldar boıy sheshilmeı kelgen edi. Ondaı úılerdi qıratý baǵdarlamasy da bolǵan joq. Byltyr jergilikti bılik qabyrǵasy qıraǵan 3 úıdi buzýǵa májbúr boldy.

«Bıyl 2-shi Pervomaıskıı kóshesinde 4 apattyq úı buzylady. Úılerdi qıratý - aýqymdy jáne kóp shyǵyndy qajet etetin jumys. Biraq, biz bul qadamǵa turǵyndardyń jaǵdaıyn jaqsartý úshin baryp otyrmyz. Jalpy, bizdiń mindetimiz - baspana sapasyn arttyrý», - dedi Qumar Aqsaqalov.

Bıyl Jas Órken shaǵynaýdanynda qurylys jalǵasady. Munda 640 eski jáne apattyq úı súrildi. 2 myń páter men birneshe iri áleýmettik nysannyń qurylysy júrip jatyr.

«Shyǵys, Orman, Jas Órken shaǵynaýdandary oblys ortalyǵyna jańa serpin beredi. Búginde bulardyń qurylysyna qarjy quıýǵa daıyn kásipkerler bar», - dedi oblys ákimi.

Joǵary qaraı