Aýa raıy
Astana -4 °S
Almaty 10 °S
valıýta baǵamy
USD 389.98
EUR 434.01
RUB 6.10
CNY 55.04

Petropavl turǵyndary gaz ıisine shaǵymdanýda

2019 jyldyń 18 maýsym 2019 12:42

PETROPAVL. QazAqparat - Petropavl qalasynda birer kúnnen beri gazǵa uqsas qatty ıis shyǵyp, turǵyndardyń mazasyn alýda, dep habarlaıdy QazAqparat tilshisi.

Petropavldyń keıbir yqshamaýdandarynda qatty gaz ıisiniń shyǵyp turǵany jóninde jazbalar aldymen áleýmettik jelilerde paıda boldy. Turǵyndar apattyq qyzmetterge júgingenimen, jóndi jaýap ala almaǵan. Iis qaıdan kelip jatyr, adam densaýlyǵyna qanshalyqty zııan - bul jóninde petropavldyqtar arasynda alyp-qashpa áńgime kóp.

Búgin osy máselege oraı Petropavl qalalyq ákimdigi jýrnalısterge túsinikteme berdi. Aıtýlarynsha, oblys ortalyǵynda gaz ıisi maýsymnyń 17-sinen bastap shyǵa bastaǵan. Eń aldymen «Jas órken» yqsham aýdanynda, Petrov jáne Altynsarın kósheleri boıynan bastaý alyp, qalanyń basqa aýdandaryna taraǵan.

«Jergilikti atqarýshy bılik SQO Tótenshe jaǵdaılar departamentimen, tutynýshylar quqyǵyn qorǵaý, ekologııa, «Gorgaz» jáne «Qyzyljar -Sý» JShS-men birge gazdyń shyǵýyn jáne onyń saldaryn boldyrmaý maqsatynda birqatar is-sharalardy qolǵa aldy. Qazir táýlik boıy kezekshilik uıymdastyrylyp, aýadaǵy zııandy zattardy anyqtaý boıynsha monıtorıng júrip jatyr. Jedel shtab qurylyp, onyń quramyna oblys, qala ákimdiginiń ókilderi, ókiletti memlekettik organdar qyzmetkerleri kirdi», - delingen Petropavl qalalyq ákimdigi baspasóz qyzmetiniń málimetinde.

SQO Tótenshe jaǵdaılar departamentiniń málimetinshe, aýa quramy normaǵa saı, saǵat saıyn ólshem jasalýda. Jaǵdaıdy mamandar baqylaýda ustap otyr.

Sondaı-aq zardap shekkender jáne dárigerdiń kómegine júgingender bolmapty. Ázirshe qatty ıistiń qaıdan shyqqany jóninde naqty jaýap joq.

Joǵary qaraı