Aýa raıy
Astana 7 °S
Almaty 12 °S
valıýta baǵamy
USD 389.98
EUR 434.01
RUB 6.10
CNY 55.04

Pavlodarlyq sheber dombyra jasaýdyń kóne qupııasymen bólisti

2019 jyldyń 19 aqpan 2019 09:53

ASTANA. QazAqparat - Pavlodar oblysynyń belgili qazaq halyq aspaptarynyń sheberi Qýandyq Baıazıt №13 jalpy orta bilim berý mektebiniń oqýshylarymen ótken kezdesýde dombyra jasaýdyń qyr-syrlarymen tanystyrdy,dep habarlaıdy pavlodarnews.kz.

Qýandyq aǵanyń aıtýynsha, bir dombyrany daıyndaý úshin eki aptadan birneshe aıǵa deıin ýaqyt ketýi múmkin. Barlyǵy materıaldar men tapsyrys berýshiniń qalaýyna baılanysty, deıdi ol. Dombyranyń ortasha baǵasy 20 myń teńge. Sheber eki myńnan astam dombyra daıyndaǵan.

«Aǵashtan ártúrli buıym jasaýdy bala kezimnen ıgergenmin. Sandyqtar men qobdıshalar jasaıtynmyn. Keńestik kezeńde ulttyq aspaptarǵa qyzyǵýshylyq az boldy. Biraq tanystarym dombyralaryn ákelip, jóndep berýdi kóptep ótingeninen keıin dombyra jasaý ónerin ábden ıgerdim» - deıdi Qýandyq Baıazıt.

Sheberdiń aıtýynsha, qazirgi jastardyń ulttyq mýzykalyq aspaptardy jasaýǵa degen qyzyǵýshylyǵy báseń. Balalardy dombyra jasaýǵa tegin úıretemin degenniń ózinde jastar bul isten qashqaqtaıdy.

«Týystarymnyń balalaryn tartyp, osy ónerge tartýǵa tyrystym. Biraq, qazirgi jastarǵa birden aqsha kerek. Endi dombyra jasap úırenip kele jatqan adam qaıdan aqsha tapsyn? Bul istiń jumysy, qyr-syry kóp», - deıdi Qýandyq Baıazıt.

Balalar óz qolymen kishigirim dombyra jasa shyǵýǵa tyrysty.

Master-klass sońynda Mýzykany óz qolymen jasap shyǵaramyz atty is-sharaǵa qatysqany jónindegi sertıfıkattarmen marapattaldy.

Aıta keteıik, Qýandyq Baıazıt temirjol salysynda poıyz qurastyrýshy retinde 40 jyl boıy eńbek etken, «Qurmetti temirjolshy» ataǵyna ıe. Onyń týyndylary Pavlodar oblysynan bólek Reseı azamattarynyń suranysyna ıe.

Basty sózder: Qoǵam, Pavlodar oblysy,
Joǵary qaraı