Awa rayı
Astana -12 °S
Almatı -6 °S
valyuta bağamı
USD 375.95
EUR 425.80
RUB 5.74
CNY 55.94

Pavlodarlıq öner ujımı Mäskewde ötken bayqawdıñ bas jüldesіn jeñіp aldı

2019 jıldıñ 12 qañtar 2019 02:04 609

ASTANA. QazAqparat - Pavlodar oblıstıq oqwşılar sarayınıñ «Svet zvezdı» ülgіlі än teatrı Mäskew qalasında ötken «Rojdestvenskïe zvёzdı» attı Xalıqaralıq jaña jıldıq festïval konkwrsında jeñіmpaz atandı, dep xabarlaydı pavlodarnews.kz.

Bayqawğa teatr änşіlerі Tamïla Raxımbaeva jäne Darya Ïvançenko «I'm in Love with a Monster» attı ändі orındağan. Sonımen qatar Medïna Kümіsbek jäne Marïya Varlamova bіrіnşі orındı ïelendі. Medïna Şämşі Qaldayaqovtıñ «Baqıt quşağında» änіn, al Marïya «Kalïnka-malïnka» degen orıs xalıq änіn şırqadı.

Mäskewlіk saxnada alğaş ret öner körsetken «Svet zvezdı» än teatrınıñ «Super LIKE» tobınıñ eñ kіşkentay juldızdarı ekіnşі orın aldı. Büldіrşіnder balalarğa arnalğan poppwrï orındadı. Jas talanttar oqwşılar sarayında önermen tört jasınan bastap aynalısıp keledі.

«Svet zvezdı» ülgіlі än teatrınıñ jetekşіsі Elena Valko balalardıñ öner forwmı qızıqtı ötkenіn aytadı.

«Konkwrs mıñdağan balanıñ ömіrіnde keremet mañızdı oqïğa bolıp qaladı. Onda eñbegі sіñgen muğalіmder, mädenïet qızmetkerlerі özderіnіñ şeberlіgіmen, talanttarımen bölіstі. Uyımdastırwşılar balalardı jañajıldıq ertegі älemіne bölep, merekelіk köñіl-küy sıylay bіldі», - deydі Elena Valko.

Atalmış festïvalge Polşa, Ïzraïl, Qazaqstan jäne basqa da elderden öner ujımdarı baq sınadı. Sonday-aq Reseydіñ 60-tan asa qalasınan qatıswşılar jïnaldı. Festïval qatıswşıların Resey Federacïyasınıñ mädenïet mïnïstrі Vladïmïr Medïnskïy, änşіler Polïna Gagarïna jäne Anï Lorak, reseylіk telejürgіzwşі Oksana Fedorova qarsı aldı.

Festïval-forwmnıñ şeñberіnde barlıq qatıswşılar Kreml şırşasına, Mäskew cïrkіne, rollerdrom, xaywanattar bağına barıp qıdırdı.

 

Bastı sözder: Pavlodar oblısı, Mädenïet,
Joğarı qaray