Aýa raıy
Astana 11 °S
Almaty 12 °S
valıýta baǵamy
USD 389.59
EUR 429.06
RUB 6.05
CNY 55.07

Pavlodarlyq oqýshy aspandaǵy shoqjuldyzdardy taýyp beretin karta qurastyrdy

2019 jyldyń 12 naýryz 2019 09:23

PAVLODAR. QazAqparat - Pavlodardaǵy Nazarbaev Zııatkerlik mektebiniń oqýshysy aspandaǵy shoqjuldyzdardy taýyp beretin karta qurastyrdy, dep habarlaıdy QazAqparat pavlodarnews.kz saıtyna silteme jasap.

Kartany jasaǵan 11-synyp oqýshysy Kamıla Amangeldınovanyń ǵylymı jetekshileriniń biri Nursultan Jaqypovtyń aıtýynsha, Pavlodar qalasyndaǵy kórinetin shoqjuldyzdardy aıqyndap, aspanda ony taba bilý úshin arnaıy web saıt jasalǵan.

«Men aqparattardy jınaý, saıt qurastyrý jaǵynan baǵyt bersem, mektebimizdiń ustazy Nazym Qarataeva Kamılanyń fızıka páninen muǵalimi, ári ǵylymı jetekshisi»,- dedi ol.

Juldyzdar týraly aqparat jınap, ınteraktıvti kartany jasaýǵa ári saıtty qurastyrýdyń bárine 3 aıǵa jýyq ýaqyt ketken.

«Qazirgi tańda juldyzdar men juldyzdar shoǵyryn aspan kúmbezinen taba alatyn adamdar qatary óte az. Al, buny ejelden beri bilip kelgen qazaq halqy saǵatsyz aýyl sharýashylyǵynda, meteorologııa sekildi kóptegen mańyzdy sferalarda durys qoldanyp, boljaǵan. Sondyqtan bizdiń maqsatymyz - Pavlodar óńirindegi buqara halyq arasynda aspan sferasyndaǵy juldyzdardy tanı bilý jáne sol bilimin kúndelikti ómirde qoldana bilýdi web resýrsy arqyly nasıhattaý. Pavlodar óńirinde juldyzdar men shoq juldyzdardyń ornalasýy men jyl mezgilderine baılanysty ózgerýi jaıly aqparat berý. Sonymen qatar, qazaq halqynyń ańyzdary men juldyzdardyń baılanysyn júıeleý», - deıdi Nursultan Jaqypov.



null

Mysaly, «Temirqazyq» juldyzy arqyly jerdiń soltústik polıýsiniń qaı jaqqa ornalasqanyn ońaı taýyp alýǵa bolady. Qazaq halqy «Jeti qaraqshy» juldyzyn batpas juldyzdar qataryna jatqyzady. «Jeti qaraqshy» juldyzy jazǵyturym, ińir kezinde kókjıekke taıap keledi de, únemi kórinip turady. Batyp, joq bolmaıdy. Qas qaraıǵan saıyn shyǵysqa qaraı jyljı otyryp, birte-birte shyrqaý aspanǵa qaraı kóterile bastaıdy. Baıaǵyda ata-babalarymyz «Jeti qaraqshy» juldyzyn «aspan áleminiń saǵaty» nemese «aspan tili» dep ataǵan eken.

Kamıla Amangeldınova qurastyrǵan saıtta juldyzdar qalaı ornalasqandyǵy jóninde ınteraktıvti karta bar. Interaktıvti kartadaǵy berilgen tańbalarda naqty juldyzdyń ataýy men kishigirim aqparat engizilgen. Oǵan qosa, basqa saıttarǵa da silteme alýǵa bolady. Aıta keteıik, qazirgi ýaqytta juldyzdar týraly web saıtqa 50-ge jýyq juldyz anyqtalyp engizildi.




null

Basty sózder: Bilim, Pavlodar oblysy, Aımaq,
Joǵary qaraı