Aýa raıy
Astana 11 °S
Almaty 12 °S
valıýta baǵamy
USD 389.59
EUR 429.06
RUB 6.05
CNY 55.07

Pavlodardyń temirjol jáne avtovokzaldarynan 240 adam evakýatsııalandy

2019 jyldyń 23 naýryz 2019 00:02

PAVLODAR. QazAqparat - Pavlodarda jarylǵysh zatqa qatysty habarlamadan keıin temirjol jáne avtovokzaldardan 240 adam evakýatsııalandy. Bul týraly oblystyq Polıtsııa departamentine silteme jasap pavlodarnews.kz saıty habarlady.

«Saǵat 18:49-da vokzalǵa bomba qoıylǵandyǵy týraly habarlama tústi. Belgisiz adam úsh ret qońyraý shaldy: 18:49-da jarylǵysh zat vokzalǵa, 18:51-de avtovokzalǵa ornatylǵanyn aıtty. 19:04-te qaıta telefon soqty. Bizdiń saperlar eki ǵımaratty da tintip shyqty. Eshbir qaýipti zat tabylmady», - dedi vedomstvoda.

Polıtseıler QR Qylmystyq kodeksiniń 273-inshi «Terrorıstik akti týraly kórineý jalǵan habar berý» baby boıynsha dereý tergep-tekserý amaldaryna kiristi.

Keıin departamentten málim etkendeı, atalǵan fakti boıynsha oblystyń 1992 jylǵy turǵyny ustaldy. Ol alkogoldi mas kúıinde bolǵan.

«Uıaly telefony tárkilendi. Tergeý amaldary júrgizilýde», - dedi polıtsııada.

Kúdiktige qatysty bultartpaý sharasyn qoldaný máselesi sheshilýde.

Joǵary qaraı