Awa rayı
Astana -7 °S
Almatı 5 °S
valyuta bağamı
USD 376.73
EUR 427.36
RUB 5.75
CNY 56.07

Pavlodardağı ört: 30 adam qutqarıldı, bіr adam qaza taptı

2019 jıldıñ 14 qañtar 2019 10:49 473

PAVLODAR. QazAqparat - Oblıs ortalığında demalıs künderі tіrkelgen ört saldarınan zardap şekken ekі adamnıñ bіrewі köz jumdı, dep xabarlaydı pavlodarnews.kz.

«12 qañtar künі, sağat 17.05-te «Melïorator» bağbanşılığında Koneçnaya köşesі, 23 mekenjayı boyınşa üş bölmelі ağaş üydіñ qabırğaları men jïhazdar, 60 şarşı metr awmaqta metall töbe örtendі. Tіlsіz jawdı awızdıqtawğa № 34 ört söndіrw bölіmіnіñ gaz-tütіnnen qorğaw qızmetі jumıldırıldı. Üydіñ ïesі 1951 jılğı er adam. 1948 jılğı äyelіnіñ arqası men sol jaq qolın bіrіnşі jäne ekіnşі deñgeyde altı payız küyіk şalğan»,- deydі oblıstıq TJD-nіñ baspasöz qızmetіnde.

Vedomstvo mamandarınıñ aytwınşa, zeynetkerge medïcïnalıq kömek körsetіlgen. Jeke quramnan jumıldırılğan 12 adam men üş texnïka örttі 20.03-te tolıq söndіrgen. Apattıñ orın alw sebebі men keltіrіlgen şığın kölemі anıqtalwda. Budan basqa, däl sol künі sağat 21.22-de kezekşіlіk bölіmіne Vorwşïn köşesі, 4/4 mekenjayı boyınşa «Natalï» dämxanasınan ört şıqqanı twralı xabarlama tüsken. 40 şarşı metrde jïhazdar, töbenіñ jılıtqışı, qazandıq janğan. Oqïğa ornınan sıyımdılığı 50 lïtrlіk tört gaz ballonı sırtqa şığarıldı. Jeke quramnan şıqqan 12 adam men tört texnïka tіlsіz jawdı sağat 22.52-de söndіrdі. Al keşe, 13 qañtar künі sağat 22.17-de Kataev köşesі, 25 mekenjayı boyınşa bіrіnşі qabattağı bіr bölmelі päterde tört şarşı metr awmaqta jïhazdar men zattar janğan. Ört söndіrwşіler kіreberіsten 61 jastağı päter ïesіnіñ küyіp ketken denesіn anıqtadı. Gaz-tütіnnen qorğaw qızmetіnіñ ekі bölіmіmen ört sağat 22.52-de söndіrіldі. Sonday-aq, körşі ornalasqan päterde taratwşı qorabında janğan elektr sımdarın päter ïesі özdіgіnen awızdıqtağan. Qutqarwşılardıñ kömegіmen 30 adam evakwacïyalandı. Onıñ jetewі - bala.

Aldın ala boljam boyınşa, örttіñ şığwına elektr quraldarın qoldanw barısında qawіpsіzdіk erejelerіn durıs saqtamaw sebep bolğan. 

 

 

Joğarı qaray