Aýa raıy
Astana -2 °S
Almaty 6 °S
valıýta baǵamy
USD 389.98
EUR 434.01
RUB 6.10
CNY 55.04

Pavlodardaǵy bes qabatty úıde bolǵan órttiń shyǵý sebebi anyqtaldy

2019 jyldyń 7 naýryz 2019 12:51

PAVLODAR. QazAqparat - Pavlodar qalasynyń turǵyny tanysynyń úıine satý úshin alty qorap oq-dári alyp kelip, ekeýi taýardy tekserip kórý úshin týmbanyń ústinde jaǵyp kórgen, dep habarlaıdy «QazAqparat» HAA tilshisi.

«Óńir turǵyndarynyń biri qoqystan keńestik zamannan qalǵan 6 qorap oq-dári taýyp alǵan. Ol óziniń tanysymen spırtti ishken. Artynan tanysyna oq-dárilerdi satýǵa keńes beredi. Al oq-dárilerdiń jaramdylyǵyn tekserý úshin olardy úıdiń ishinde tutatyp kórmek bolady. Tutatqan kezde oq-dárilermen qatar úı ishine turǵan zattar da lapyldap jana ketedi. Keshegi saraptaý jumystarynyń nátıjesi boıynsha, adam ólimi gaz ıisinen ýlaný jáne kúıiktiń saldarynan bolǵan»,-dedi osy oqıǵaǵa baılanysty arnaıy ótken brıfıngte Pavlodar oblystyq Polıtsııa departamenti bastyǵynyń orynbasary ıÝrıı Kolesnıkov.

Osy oqıǵaǵa qatysy bar ekinshi adam birinshi qalalyq aýrýhanaǵa jetkizildi. Onyń denesin, betin jáne bas jaǵyn kúıik shalǵan. Úı ıesiniń jubaıy tútinnen ýlanyp, medıtsınalyq kómek surady. Ol úıine jiberildi, biraq ambýlatorlyq em qabyldaıtyn bolady. Oqıǵanyń saldarynan zardap shekken ózge eshkim joq.

«Oq-dárini alyp kelgen adam buǵan deıin Ekibastuz qalasynda turǵan, belgili turǵylyqty jeri joq. Týystarynyń úıinde turyp júrgen», - degen ıÝrıı Kolesnıkov ekeýiniń de buǵan deıin sotty bolǵanyn aıtyp ótti.

Qaıtys bolǵan azamat páter ıesi bolyp shyqty.

Aıta keteıik, keshe Pavlodar qalasyndaǵy bes qabatty úıde jarylys boldy.

Saǵat 14:42 kezinde medıtsına qyzmetkerlerine Mútkenov-53, birinshi kireberis mekenjaıynan shaqyrtý kelip túsken. Zardap shegýshi 1986 jyly týǵan. Dıagnozy: ekinshi jáne úshinshi dárejeli bastyń joǵarǵy bóliginiń jáne aıaq-qoldyń termııalyq kúıigi. Birinshi qalalyq aýrýhananyń kúıik bólimine jatqyzyldy. Taǵy zardap shekkender 1965 jáne 1992 jyldary týǵan eki áıel; ekeýi birinshi dárejeli kúıik alǵan jáne tútinnen ýlanǵan. Olar birinshi qalalyq aýrýhanaǵa jetkizildi.

Oblystyq densaýlyq saqtaý basqarmasynyń málimetinshe, 1992 jyly týǵan, aýrýhanaǵa barýdan bas tartqan 35 jastaǵy áıel kóz jumdy.

Basty sózder: Oqıǵa, Pavlodar oblysy,
Joǵary qaraı