Aýa raıy
Astana 2 °S
Almaty 7 °S
valıýta baǵamy
USD 389.94
EUR 433.50
RUB 6.10
CNY 55.13

Pavlodarda jas kelinder synǵa túsedi

2019 jyldyń 5 naýryz 2019 14:31

PAVLODAR. QazAqparat - Pavlodar oblysynda jas kelinder synǵa túsip, ózderiniń jan-jaqtylyǵyn dáleldeıdi, dep habarlaıdy «QazAqparat» HAA tilshisi.

«Baıqaý bes kezeńnen turady. Birinshi bólim - «Meniń otbasym - meniń baqytym» dep atalady. Munda ár qatysýshy óziniń qandaı kelin ekenin kórsetetin beınebaıan túsirýi kerek», - dep habarlady Pavlodar oblysy jastar saıasaty máseleleri jónindegi basqarmanyń jastar bastamalaryn damytý ortalyǵy.

Ekinshi bóliminde kelinder sheberligimen synǵa túsip, úı tapsyrmasyn oryndaýy shart. Ár qatysýshy aldyn-ala ázirlep ákelgen ulttyq taǵamyn baıqaý tóreshilerine eki mınýt ishinde tanystyryp shyǵýy kerek.

«As úı bilgiri» dep atalatyn úshinshi bóliminde ár qatysýshy «qazaqsha» shaı quıý dástúrin kórsetip, ádilqazylar alqasynyń kóńilinen shyǵýǵa tyrysady. Úshinshi bólimniń ekinshi kezeńinde kelinder nan jaıý arqyly synǵa túsetin bolady», - deıdi uıymdastyrýshylar.

Erekshe baıqaýdyń tórtinshi bólimi «Baqytty ana» dep atalady. Bul kezeńde qatysýshylar balany besikke bóleı otyryp, besik jyryn aıtady.
«Shyǵarmashylyqqa kóbirek kóńil bólinetin besinshi kezeńde kelinder ózderiniń shyǵarmashylyq qabiletterin kórsete bilýi kerek. Ár kezeń saıyn tómen upaı jınaǵan eki qatysýshy baıqaýdan shyǵarylyp otyrady», - deıdi uıymdastyrýshylar.

Baıqaýdyń barlyq sharttarynan múdirmeı ótken qatysýshy «2019 jyldyń úzdik kelini» atalymyna ıe bolady.

«2019 jyldyń úzdik kelini» baıqaýy altynshy naýryz kúni, saǵat 14:00-de Pavlodar qalasyndaǵy jastar bastamalaryn damytý ortalyǵynda ótedi. Kelinder dodasyna 29 jasqa deıingi Pavlodar oblysynyń jas kelinderi qatysa alady.

Basty sózder: Qoǵam, Pavlodar oblysy,
Joǵary qaraı