Aýa raıy
Astana -2 °S
Almaty 4 °S
valıýta baǵamy
USD 389.98
EUR 434.01
RUB 6.10
CNY 55.04

Pavlodarda sýǵa batyp ólmek bolǵan er adam qutqaryldy

2019 jyldyń 5 naýryz 2019 19:46

PAVLODAR. QazAqparat - Pavlodar oblystyq tótenshe jaǵdaılar departamentiniń jedel qutqarý jasaǵynyń qutqarýshylary ózine-ózi qol jumsamaq bolǵan er adamnyń ómirin saqtap qaldy, dep habarlaıdy QazAqparat TJD baspasóz qyzmetine silteme jasap.

«2019 jylǵy 5 naýryz kúni saǵat 12 shamasynda qutqarýshylar Lermontov jaǵajaıynyń mańynda muzdyń jıegine bara jatqan er adamdy kórip qalady. Qutqarýshylar onda júrý qaýipti ekenin aıtyp aıǵaılaǵanmen, er adam ony eskermeı júre bergen.

Qutqarýshylar - Tıslenko M., Chalenko V., Lıpov S. jáne Fýrgonov A. qutqarý jıletin jamyla 1966 jyly týǵan er adamdy qutqarý úshin júgire jónelgen. Aldymen jetken Tıslenko M. er adamdy qutqarý úshin tipti kúsh qoldanýǵa májbúr bolǵan. Qutqarýshylar er adamnyń sýǵa batýyna jol bermeı, aqyry ony bul oıynan qaıtardy», - deıdi departament ókilderi.

Qutqarýshylar er adamdy polıtsııa qyzmetkerlerine tapsyrdy.

Basty sózder: Oqıǵa, Pavlodar oblysy,
Joǵary qaraı