Aýa raıy
Astana 22 °S
Almaty 26 °S
valıýta baǵamy
USD 386.04
EUR 427.77
RUB 5.88
CNY 54.45

Pavlodarda «Saryarqa samaly» gazetiniń 90 jyldyq mereıtoıy atalyp ótti

2019 jyldyń 21 aqpan 2019 21:23 1218

PAVLODAR. QazAqparat - Pavlodardaǵy Estaı atyndaǵy mádenıet saraıynda oblystyq «Saryarqa samaly» gazetiniń 90 jyldyq mereıtoıyna arnalǵan saltanatty kesh ótti, dep habarlaıdy pavlodarnews.kz.

Jıynǵa oblys ákimi Bolat Baqaýov, ǵalym, fılosofııa ǵylymdarynyń doktory, L. Gýmılev atyndaǵy Eýrazııa ulttyq ýnıversıtetiniń professory, Qazaqstan ǵylym akademııasynyń akademıgi, abaıtanýshy Ǵarıfolla Esim, ardager jýrnalıster, zııaly qaýym ókilderi men basylymnyń oqyrmandary qatysty.

«Elimizdiń tól basylymy - «Saryarqa samaly» gazetiniń 90 jyldyq mereıtoıymen quttyqtaımyn. Bul - óńirdegi mańyzdy datalardyń biri. Osy ýaqyttyń ishinde basylym óziniń baǵytynan aınyǵan emes, halyqpen birge jasap keledi. Barlyq máselelerdi qamtıdy. Eski maqalalardy ashyp oqysańyz, qanshama tarıh saqtalǵan. Osy gazette Qalıjan Bekhojın, Muzafar Álimbaev, Amanjol Shamkenov sııaqty kóptegen klassık aqyn-jazýshylarymyz tanyldy. Gazet Elbasy Nursultan Nazarbaevtyń tapsyrmasy boıynsha ár saladaǵy reformalar týraly keńinen jazyp keledi. Oblystaǵy atqarylǵan sharalar týraly jan-jaqty baıandaıdy», - degen izgi tilegin bildirdi dep aımaq basshysy Bolat Baqaýov.


null 

Búginde aýyldyq óńirlerde «Saryarqa samaly» basylymynyń oqyrmandary kóp. Bul shańyraq Ertis óńirine ortaq. Tarıhy tereńde jatqan basylymdy tarıhı sátpen quttyqtaýǵa kelgen Ǵarıfolla Esim kezinde «Qyzyl tý» atalǵan búgingi «Saryarqa samaly» basylymymen ómiriniń eń qymbat kezeńi baılanysty ekenin atap ótip, balalyq shaqtaǵy estelikterimen bólisti.

«Búgingi keshke osynshama gazet oqıtyn adamnyń jınalǵanyn kórgende tebirenip kettim», - deıdi Ǵarıfolla Esim. «Qazaq toı toılasa jadyrap, rahattanyp ketedi. Osynyń barlyǵy - beıbitshiliktiń jemisi. Búgingi kún úshin Allaǵa shúkirshilik etip, razy bolaıyq. «Qyzyl tý» degen gazetke yqylasym erekshe. Kezinde 14-15 jasymda gazetke maqala jazyp jiberetinmin. Birde 14 jasymda «Qyzyl tý» aıqarma betpen qap-qara bolyp shyqty. Kenetten «Ne bolyp qaldy?» dep ákemnen surasam, Muhtar Áýezov dúnıeden ótken eken. Sol kezde gazettiń jazýshynyń qazasyna qatty qaıǵyrǵany sana-sezimimdi tóńkerip tastady. Budan keıin sol bir oqýshy kezimnen «Abaı jolyna» degen qyzyǵýshylyq paıda boldy».


null 

Sondaı-aq, ardagerlerdiń atynan gazettiń bas redaktory bolǵan Qazaqstannyń qurmetti jýrnalısi, «Qurmet» ordeniniń ıegeri Muhıt Omarov aq jarma tilegin joldady.

Bul kúni 90 jyldyq mereıtoıǵa oraı «Oblys aldynda sińirgen eńbegi úshin» tósbelgisimen aqparattyq bóliminiń meńgerýshisi Saıa Moldaıyp, oblys ákiminiń Qurmet gramotasymen gazettiń bas redaktory Nurbol Jaıyqbaev, sondaı-aq bas redaktordyń orynbasary Murat Aıaǵanov jáne redaktsııanyń taǵy da basqa qyzmetkerleri oblys ákiminiń alǵys hattarymen marapattaldy 



null 

null 

null 

Basty sózder: BAQ, Pavlodar oblysy,
Joǵary qaraı