Aýa raıy
Astana 12 °S
Almaty 19 °S
valıýta baǵamy
USD 389.52
EUR 429.21
RUB 6.07
CNY 54.94

Pavlodarda Reseıden kelgen 20 qazaq ana tilin úırenip júr

2019 jyldyń 13 naýryz 2019 14:50

PAVLODAR. QazAqparat - Pavlodarda Reseıdegi qazaq dıasporasynyń ókilderi ana tilin úırenip júr, dep habarlaıdy pavlodarnews.kz.

Pavlodar oblysy Reseı Federatsııasynyń shekaralas óńirlerimen uzaq merzimdi mádenıetaralyq yntymaqtastyqty iske asyrý, Qazaqstan Respýblıkasynda tilderdi damytý men qoldanýdyń 2011-2019 jyldarǵa arnalǵan memlekettik baǵdarlamasy aıasynda ótkizilip otyrǵan sharaǵa 20 adam Reseıdiń Altaı ólkesi, Omby jáne Novosibir oblystarynan keldi. Kýrstyń ashylýyna «Nur Otan» partııasy oblystyq fılıaly tóraǵasynyń birinshi orynbasary Nıkolaı Dychko men óńirlik tilderdi damytý jónindegi basqarmasy basshysynyń m.a. Gúlsara Kokına qatysty.

«Reseıdegi qazaq dıasporasy ókilderine ana tilin úıretý boıynsha jyl saıyn kýrstar ótip turady, - dedi Gúlsara Kokına. - Buryndary bizdiń ókilder Reseıge baryp úıretip júrgen bolsa, bıyl oblys ákimi Bolat Baqaýovtyń tapsyrmasymen qatysýshylar Pavlodarǵa kelip úırenýde. Kýrstyń baǵdarlamasyn kóptegen oqý-ádistemelik quraldardyń avtory, kitaptardy ázirleýshi tájirıbeli maman Sholpan Kınjıkova daıyndady».


null

Kýrs barysynda ınteraktıvti prezentatsııa, beıne materıaldar, praktıkalyq sabaqtar, trenıngter, toppen jumys qyzmetteri qoldanylyp, tyńdaýshylardy teatrlarǵa, mádenı oryndarǵa, áleýmettik mańyzy bar sharalarǵa barý qamtamasyz etiledi. Oǵan qosa, kýrs qatysýshylaryna qazaq halqynyń salt-dástúrleri, ádet-ǵuryptary tanystyrylady. Sondaı-aq kýrsty «Ana tili» ortalyǵynyń dırektory Sholpan Kınjıkova ǵana júrgizip qoımaı, qoǵamdyq uıymdardyń beldi músheleri, ǵalymdar, tanymal tulǵaldar kelip sabaq úıretedi.

Alǵashqy sabaqty Pavlodar memlekettik pedagogıkalyq ınstıtýtynyń professory, fılologııa ǵylymdarynyń doktory Beken Saǵyndyquly bastady. Omby oblysynyń Qazaq ulttyq-mádenı ortalyǵynyń prezıdenti, RF Memlekettik Dýmasy depýtatynyń kómekshisi Janat Bekmagombetov mundaı sharalardyń erteńgi urpaq úshin mańyzdy ekenin atap ótti. Sonymen qatar, uıymdastyrýshylarǵa jáne «Nur Otan» partııasynyń 20 jyldyǵyna oraı óz syılyǵyn tabystady.

«Qazaq tiliniń damyp jatqany qýantady, - dedi Janat Bekmagombetov. - Men 2013 jyly QR mádenıet mınıstriniń qabyldaýynda bolyp, Reseıde qazaq tiliniń damymaı, etnıkalyq qazaqtar ana tilin umyta bastaǵany jóninde másele kóterdim. Ókinishke qaraı, men Qazaqstan azamaty bolmaǵandyqtan kómektese almaıtyndaryn aıtty. Odan keıin birden Máskeýge, bizdiń mádenıet mınıstriniń orynbasaryna bardym. Ol jerde Qazaqstan mádenıetin damytqanym jaqsy, alaıda biz Reseı azamaty ekendigimizdi alǵa tartty. Sondaı ókinishti sátter boldy. Qazir barlyǵy ózgergenin kórip, qýanyp otyrmyz. Óıtkeni, biz ana tilimizdiń damýynan qalyp qoıǵan býynbyz. Endi balalarymyzdyń qazaq tilin úırenýine jol ashyldy».

Aıta keteıik, Reseıdegi qazaq dıasporasynyń ókilderine arnalǵan kýrs 10 kúnge sozylady.

Foto: Orazbek Saıahat

Basty sózder: Til, Reseı, Pavlodar oblysy,
Joǵary qaraı