Aýa raıy
Astana 17 °S
Almaty 17 °S
valıýta baǵamy
USD 386.80
EUR 429.27
RUB 5.78
CNY 54.89

Pavlodarda órtten 2 sińlisin qutqarǵan jasóspirim marapattaldy

2019 jyldyń 23 aqpan 2019 12:12 1195

ASTANA. QazAqparat - Pavlodarda eki sińilisin órtten qutqaryp qalǵan № 39 orta mektebiniń 8 synyp oqýshysy Angelına Zavıalova marapattaldy, dep habarlaıdy pavlodarnews.kz. 

Oblystyq TJ departamenti bastyǵynyń mindetin atqarýshy, polkovnık Samat Asaıynov basshylyq pen jeke quramnyń atynan Angelınaǵa batyl is-áreketteri úshin alǵys bildirdi.

Er júrek qyzdyń synyp jetekshisi Lıýdmıla Kýtnova Angelına synyptyń eń úzdik oqýshylarynyń biri, óte jaýapty ekenin atap ótti.

«Men bul is-áreketke tań qalǵan joqpyn, óıtkeni mektepte TJ qyzmetkerleri balalardy ártúrli tótenshe jaǵdaılarda ózin qalaı ustaý kerektigin úıretken. Bizdiń mekteptiń árbir oqýshysy osyndaı batyl is-áreketke qabiletti», - deıdi pedagog.

null

 Angelınanyń anasy Natalıa Zavıalovanyń aıtýynsha, 21 aqpanda Angelına Zavıalova mekteptegi sabaqtan keıin atasynyń úıine kelgen. Oqýshy demalyp jatyp qalǵan kezde kenetten qorqyp qalǵan sińilileri oıatqan.

«Úıde tútin men órttiń ıisi sezilgen. Ol as úıde atasyn izdegen, biraq taba almaǵan soń úıde joq dep oılaǵan. Bir bólmeniń terezesinen Angelına kiretin esiktiń janyp jatqanyn kórgen. Sol kezde dereý úıdegi kıimmen tereze arqyly syrtqa shyǵyp, keıin sińilisin alyp shyqqan. Osy ýaqytta qyzdardy kórip qalǵan kórshi kómekke kelip, olardy úıine alyp barǵan», - deıdi Natalıa Zavıalova.

Ardagerler keńesiniń tóraıymy Hakıma Asqarova TJ departamentiniń basshylyǵyna Angelınany joǵary marapatqa usyndy.

Eske sala keteıik, Pavlodarda jasóspirim qyz órtengen úıden sińlilerin terezeden alyp shyqqany týraly buǵan deıin habarlaǵan bolatynbyz. 

Foto: Oblystyq TJD-niń baspasóz qyzmeti

Joǵary qaraı