Aýa raıy
Astana -5 °S
Almaty 17 °S
valıýta baǵamy
USD 389.98
EUR 434.01
RUB 6.10
CNY 55.04

Pavlodarda oqýshynyń basyna súńgi qulap, aýrýhanaǵa tústi

2019 jyldyń 6 naýryz 2019 20:06

PAVLODAR. QazAqparat - Pavlodarda 16 jastaǵy jasóspirimniń basyna shatyrdan jarty metrlik súńgi qulady, dep habarlaıdy QazAqparat tilshisi.

«Oqıǵa Korolenko kóshesi, 355-úıdiń janynda bolǵan. Bala mektepke bara jatqan, sol kezde basyna muz kesegi túsken», - dedi Pavlodar oblystyq Densaýlyq saqtaý basqarmasynyń ókilderi.

Jedel járdemge balanyń jaraqaty týraly habar 13:25-te túsken.

«Bala 2003 jyly týǵan. Bassúıek-mı jaraqatynyń jabyq túri, bas mıynyń shaıqalýy, tóbe súıeginiń zaqymdanýy dıagnozdary qoıyldy. Qazir oblystyq balalar aýrýhanasynda jatyr», - dedi oblystyq Densaýlyq saqtaý basqarmasynyń baspasóz hatshysy Elmıra Temirǵalıeva.

Dárigerlerdiń aıtýynsha, turǵyn úı-kommýnaldyq sharýashylyq mamandary shuǵyl túrde otyrys ótkizgen. Oǵan balanyń anasy da qatysty.

Avtory: Anton Gagarın

Basty sózder: Oqıǵa, Pavlodar oblysy, Aımaq,
Joǵary qaraı