Awa rayı
Astana 0 °S
Almatı 6 °S
valyuta bağamı
USD 330.00
EUR 390.72
RUB 5.65
CNY 50.13

Pavlodarda Nawrız arwı bayqawınıñ bas jüldesіn bayanawıldıq boyjetken jeñіp aldı

2017 jıldıñ 21 nawrız 2017 01:27 1393

ASTANA. QazAqparat - Ulıstıñ ulı künі qarsañında Pavlodar qalasındağı «Şañıraq» xalıq şığarmaşılığı jäne mädenï-sawıq qızmetі ortalığında oblıstıq «Nawrız arwı» bayqawı öttі, dep xabarlaydı pavlodarnews.kz.



Oblıstıq mädenïet, arxïvter jäne qujattama basqarmasınıñ qoldawımen ötken bayqawğa dodağa öñіrdіñ är awdanınan 15 arw qatıstı. Olardıñ bіlіm deñgeyі men talantı töreşіler talqısına tüstі. Bayqawda arwlar ata-salttı berіk ustağandığın, töl tarïx pen mädenïetke jetіk ekendіkterіn añğarttı. Bayqaw şartı «Men qazaqtıñ qızımın», «Xalqın süygen-saltın süyer», «Ulttıq tağam mäzіrі», «Öner sarqılmas qazına», «Şeberdіñ qolı altın» attı bes kezeñnen turdı.


 

Munda elіnіñ namısın arqalay kelgen är arw än men jırdan şaşw şaşıp, bіrі mıñ burala bïlep, bar önerіn xalıqqa paş ete otıra jïnalğandardıñ qoşemetіne bölendі. Al, qazılar alqası olardıñ tapqırlığı men önerіn sarapqa sala otırıp, üzdіkterіn tañdadı.  


 

Nätïjesіnde Bayanawıl awdanınıñ namısın arqalay kelgen arw Mädïna Asılbekova bas jüldege ïe boldı. Al, 1-orınğa Aqsw awıldıq aymağınan kelgen Añsarım Qurman, 2-orınğa Pavlodar qalasınan qatıswşı Gawxar Musa, 3-orınğa Mayqayıñ kentіnіñ arwı Gäkkw Qayrat layıq dep tanıldı. Sonday-aq, qatıswşılarğa arnayı nomïnacïyalar da tabıstaldı. Atap öter bolsaq, «Önerpaz arw» - Aynamköz Mustafa, «Qolañ şaştı arw» - Dïnara Qayırbekova, «Şeber arw» - Ardana Qaymoldïna, «Kerbez arw» - Ämïna Aldamuratova atandı.


 

 

 

Bastı sözder: Nawrız meyramı, Pavlodar oblısı,

Pіkіr qaldırw

Joğarı qaray