Aýa raıy
Astana 10 °S
Almaty 10 °S
valıýta baǵamy
USD 389.59
EUR 429.06
RUB 6.05
CNY 55.07

Pavlodarda kópbalaly jáne az qamtylǵan otbasylardy qoldaýǵa 2 mlrd teńge jumsalmaq

2019 jyldyń 29 naýryz 2019 15:42

PAVLODAR. QazAqparat - Pavlodar oblystyq máslıhatynyń kezekti XXIX sessııasynyń otyrysy ótti, dep habarlaıdy pavlodarnews.kz.

Otyrys kezinde sóılegen óńir basshysy Bolat Baqaýov Elbasynyń «Nur Otan» partııasynyń XVIII sezinde bergen tapsyrmasyn oryndaýǵa barlyq deńgeıdegi bıýdjetterden eki mıllıard teńgeden astam qarajat bólinetinin jarııa etti. Onyń bir mıllıard teńgesi jergilikti bıýdjetten bolsa, 1,3 mıllıard teńgesi - respýblıkalyq bıýdjetten.

«Aqsý qalasynyń Astana kóshesi, 58 mekenjaıyndaǵy 102 páterlik turǵyn úıdi satyp alý jóninde sheshim qabyldandy. Qazirgi kezde oǵan kópbalaly otbasylardy ýaqytsha ornalastyrýdyń tetikteri oılastyrylýda. Oǵan tek qana shynaıy kómekke zárý otbasylar tańdap alynady»,- dedi Bolat Baqaýov.

Oblys ákimi atap ótkendeı, 1 sáýirden bastap óńir boıynsha kópbalaly otbasylardyń 3,5 myń balasy balalar baqshasyna tegin bara alatyn bolady.Sondaı-aq, az qamtylǵan otbasylardyń 12,5 myń oqýshysynyń mektepte tegin tamaqtanýy, jazǵy demalysy men kıim-keshekpen qamtylýy máselesi qolǵa alynady. Buǵan qosa B. Baqaýov qala jáne aýdan ákimderine bos qarajat qaldyqtaryn tek qana Elbasy tapsyrmasyn oryndaýǵa jumsaý qajettigi týraly tapsyrma berdi.

«Kómekke zárý jandardy qoldaý máselesin zertteı kele, osy baǵyttyń júzege asýyna tek bıýdjet qarajaty jetpeıtinine kóz jetkizdik», - dedi ol. «Buǵan barlyq qoǵamnyń, kásipkerlik ókilderiniń jumylýy qajet. Osy oraıda, qala jáne aýdan ákimderi, barlyq deńgeıdegi máslıhattar depýtattary osy máseleni bıznes ókilderimen birlese sheshýi tıis».

Joǵary qaraı