Awa rayı
Nur-Sultan 16 °S
Almatı 16 °S
valyuta bağamı
USD 379.59
EUR 429.43
RUB 5.91
CNY 56.58

Pavlodarda kölіk tіzgіndegen qız-kelіnşekter sınğa tüstі

2019 jıldıñ 7 nawrız 2019 16:03 560

PAVLODAR. QazAqparat - Pavlodarda Jastar bastamaların damıtw ortalığı men Street Racing Aksu avtokwbınıñ uyımdastırwımen alğaş ret «Avtoledï-2019» bayqawı öttі, dep xabarlaydı QazAqparat pavlodarnews.kz saytına sіlteme jasap.

Aqsw qalası äkіmіnіñ baspasöz qızmetіnen mälіm etkendey, bayqaw Ïmanjüsіp Qutpanulı atındağı sport sarayınıñ avtoturağında öttі. Oğan barlığı 9 näzіk jandı qatısqan. Olardıñ arasında stwdent qızdar da, köpbalalı ana da boldı.

Temіr tulpardı tіzgіndegen arwlar üş kezeñ boyınşa sıñğa tüstі. «Ledï avtomobïl» bölіmіnde sayıskerler özderіn jäne bezendіrіlgen avtokölіkterіn tanıstırdı. Ekіnşі «Ledï erwdït» kezeñіnde jol qozğalısı erejelerіn qanşalıqtı bіletіnderі test suraqtarı arqılı tekserіldі. Soñğı - «Täjіrïbelі jürgіzwşі xanım» bölіmіnde qatıswşılardıñ  praktïkalıq turğıdan kölіk basqarw deñgeyі anıqtaldı.


null

Bayqaw qorıtındısı boyınşa, bіrіnşі orındı 21 jastağı stwdent Aleksandra Anïsïmova jeñіp aldı.


null

«S. Torayğırov atındağı Pavlodar memlekettіk pedagogïkalıq wnïversïtetіnde logoped-defektolog mamandığına oqïmın. Bïıl soñğı kwrstı ayaqtaymın. Kölіk jürgіzіp jürgenіme ekі jıldan astı. Munday şaralarğa jïі qatısqım keledі. Sebebі, öz mümkіndіkterіmdі jaña qırınan tanıtwğa boladı», - deydі Aleksandra Anïsïmova.  

Ekіnşі orındı Aqsw qalası № 7 mekteptіñ muğalіmі Faïna Pyanzïna, üşіnşі orındı Aqsw ferroqorıtpa zawıtınıñ qızmetkerі, «Arïon»  xaskï ortalığınıñ ïesі, erіktі Regïna Anşïc ïelendі.

«Üzdіk dïzaynerlіk bezendіrw» atalımında «Şañıraq» avtokölіgіmen Pavlodar awdanı «Zaman tınısı» gazetіnіñ tіlşіsі Gülzat Meyramova jeñіmpaz atandı.


null

«Älewmettіk jelіler arqılı munday şara aymaqta tuñğış ret ötkіzіlіp otırğanın estіgen soñ qızığwşılıq payda boldı. Jürgіzwşі kwälіgіn 1-kwrstı ayaqtağanda alğan edіm. Al, naqtı 2011 jıldan bastap  kölіk jürgіze bastadım. Men üşіn temіr tulparım - qozğalıs quralı ğana emes, köp waqıttarda aynımas dosqa aynalğan. Qazaqï naqışta bezendіrw arqılı özіmіzdіñ rwxanï jañğırğan el ekendіgіmіzdі bіldіrgіm keldі. Töreşіlerge oyımdı tüsіnіp, ädіl bağa bergenderіne alğısım zor. Negіzgі ïdeya menіkі bolsa da, onı äkem qoldan jasap, maşïnağa ornattı. Qazaqtıñ qara şañırağınan bïіk eşteñe joq!», - deydі ol.


null

Jeñіmpazdar men jüldegerlerge qala äkіmіnіñ orınbasarı Baltabay Kappasov gül, bağalı sıylıq jäne sän salondarına sertïfïkattar tabıstadı.

Ayta keterlіgі, atalmış bayqawdı aldağı waqıtta dästürge aynaldırw josparlanıp otır.

 

 

Bastı sözder: Aymaq, Pavlodar oblısı, Qoğam,
Joğarı qaray