Aýa raıy
Astana -2 °S
Almaty 7 °S
valıýta baǵamy
USD 389.98
EUR 434.01
RUB 6.10
CNY 55.04

Pavlodarda kólik tizgindegen qyz-kelinshekter synǵa tústi

2019 jyldyń 7 naýryz 2019 16:03

PAVLODAR. QazAqparat - Pavlodarda Jastar bastamalaryn damytý ortalyǵy men Street Racing Aksu avtokýbynyń uıymdastyrýymen alǵash ret «Avtoledı-2019» baıqaýy ótti, dep habarlaıdy QazAqparat pavlodarnews.kz saıtyna silteme jasap.

Aqsý qalasy ákiminiń baspasóz qyzmetinen málim etkendeı, baıqaý Imanjúsip Qutpanuly atyndaǵy sport saraıynyń avtoturaǵynda ótti. Oǵan barlyǵy 9 názik jandy qatysqan. Olardyń arasynda stýdent qyzdar da, kópbalaly ana da boldy.

Temir tulpardy tizgindegen arýlar úsh kezeń boıynsha syńǵa tústi. «Ledı avtomobıl» bóliminde saıyskerler ózderin jáne bezendirilgen avtokólikterin tanystyrdy. Ekinshi «Ledı erýdıt» kezeńinde jol qozǵalysy erejelerin qanshalyqty biletinderi test suraqtary arqyly tekserildi. Sońǵy - «Tájirıbeli júrgizýshi hanym» bóliminde qatysýshylardyń praktıkalyq turǵydan kólik basqarý deńgeıi anyqtaldy.



null

Baıqaý qorytyndysy boıynsha, birinshi oryndy 21 jastaǵy stýdent Aleksandra Anısımova jeńip aldy.



null

«S. Toraıǵyrov atyndaǵy Pavlodar memlekettik pedagogıkalyq ýnıversıtetinde logoped-defektolog mamandyǵyna oqımyn. Bıyl sońǵy kýrsty aıaqtaımyn. Kólik júrgizip júrgenime eki jyldan asty. Mundaı sharalarǵa jıi qatysqym keledi. Sebebi, óz múmkindikterimdi jańa qyrynan tanytýǵa bolady», - deıdi Aleksandra Anısımova.

Ekinshi oryndy Aqsý qalasy № 7 mekteptiń muǵalimi Faına Pıanzına, úshinshi oryndy Aqsý ferroqorytpa zaýytynyń qyzmetkeri, «Arıon» haskı ortalyǵynyń ıesi, erikti Regına Anıts ıelendi.

«Úzdik dızaınerlik bezendirý» atalymynda «Shańyraq» avtokóligimen Pavlodar aýdany «Zaman tynysy» gazetiniń tilshisi Gúlzat Meıramova jeńimpaz atandy.



null

«Áleýmettik jeliler arqyly mundaı shara aımaqta tuńǵysh ret ótkizilip otyrǵanyn estigen soń qyzyǵýshylyq paıda boldy. Júrgizýshi kýáligin 1-kýrsty aıaqtaǵanda alǵan edim. Al, naqty 2011 jyldan bastap kólik júrgize bastadym. Men úshin temir tulparym - qozǵalys quraly ǵana emes, kóp ýaqyttarda aınymas dosqa aınalǵan. Qazaqı naqyshta bezendirý arqyly ózimizdiń rýhanı jańǵyrǵan el ekendigimizdi bildirgim keldi. Tóreshilerge oıymdy túsinip, ádil baǵa bergenderine alǵysym zor. Negizgi ıdeıa meniki bolsa da, ony ákem qoldan jasap, mashınaǵa ornatty. Qazaqtyń qara shańyraǵynan bıik eshteńe joq!», - deıdi ol.



null

Jeńimpazdar men júldegerlerge qala ákiminiń orynbasary Baltabaı Kappasov gúl, baǵaly syılyq jáne sán salondaryna sertıfıkattar tabystady.

Aıta keterligi, atalmysh baıqaýdy aldaǵy ýaqytta dástúrge aınaldyrý josparlanyp otyr.

Basty sózder: Qoǵam, Pavlodar oblysy, Aımaq,
Joǵary qaraı