Awa rayı
Astana -5 °S
Almatı 7 °S
valyuta bağamı
USD 376.40
EUR 427.36
RUB 5.86
CNY 56.08

Pavlodarda jasöspіrіm qız örtengen üyden sіñlіlerіn terezeden alıp şıqtı

2019 jıldıñ 22 aqpan 2019 12:04 1430

ASTANA. QazAqparat - Pavlodar oblısında 14 jastağı qız örtke oranğan üydіñ terezesі arqılı ekі sіñlіsіn alıp şıqtı. Oqïğa saldarınan bіr adam mert boldı. Bul twralı QR Іşkі іster mïnïstrlіgі Tötenşe jağdaylar komïtetіnіñ resmï ökіlі Nursultan Nuraxmetov ayttı, dep xabarlaydı QazAqparat.

«21 aqpan künі sağat 15.29-da örtke qarsı qızmet Karl Marks köşesіndegі ekі päterlі jekemenşіk turğın üy örtenіp jatqanı twralı xabar aldı. Sağat 15.37-de qutqarwşılar oqïğa ornına jetken kezde päterlerdіñ bіrіnde kïіm-keşekter, jïhazdar men ağaştan turğızılğan aralıq qabırğalar, sonday-aq üydіñ ağaş konstrwkcïyaları janıp jatqanın anıqtadı. Tіlsіz jawdıñ taralwı 16.35-te toqtatılıp, tolığımen 19.51-de awızdıqtaldı. Jalın şarpığan awmaq 120 şarşı metrdі quradı. Ört söndіrwşіler 4 gaz ballonın alıp şıqtı. Oqïğa ornında 1948 jılı twğan er adamnıñ jartılay küyіk şalğan denesі tabıldı», - dedі N.Nuraxmetov.

Sonday-aq resmï ökіldіñ aytwınşa, ört söndіrwşіler jetkenşe üyde bolğan 14 jastağı qız jalındağan üydіñ terezesіnen 2015 jılı twğan ekі sіñlіsіn alıp şıqqan.

«Örttіñ şığw sebebі men şığın kölemі anıqtalwda. Jalınmen küreske Pavlodar oblıstıq TJD-nıñ 22 adamı men 9 texnïkası jumıldırıldı», - dedі ol. 

 

 

Joğarı qaray