Aýa raıy
Astana 22 °S
Almaty 26 °S
valıýta baǵamy
USD 386.04
EUR 427.77
RUB 5.88
CNY 54.45

Pavlodarda jasóspirim qyz órtengen úıden sińlilerin terezeden alyp shyqty

2019 jyldyń 22 aqpan 2019 12:04 2251

ASTANA. QazAqparat - Pavlodar oblysynda 14 jastaǵy qyz órtke oranǵan úıdiń terezesi arqyly eki sińlisin alyp shyqty. Oqıǵa saldarynan bir adam mert boldy. Bul týraly QR Іshki ister mınıstrligi Tótenshe jaǵdaılar komıtetiniń resmı ókili Nursultan Nurahmetov aıtty, dep habarlaıdy QazAqparat.

«21 aqpan kúni saǵat 15.29-da órtke qarsy qyzmet Karl Marks kóshesindegi eki páterli jekemenshik turǵyn úı órtenip jatqany týraly habar aldy. Saǵat 15.37-de qutqarýshylar oqıǵa ornyna jetken kezde páterlerdiń birinde kıim-keshekter, jıhazdar men aǵashtan turǵyzylǵan aralyq qabyrǵalar, sondaı-aq úıdiń aǵash konstrýktsııalary janyp jatqanyn anyqtady. Tilsiz jaýdyń taralýy 16.35-te toqtatylyp, tolyǵymen 19.51-de aýyzdyqtaldy. Jalyn sharpyǵan aýmaq 120 sharshy metrdi qurady. Órt sóndirýshiler 4 gaz ballonyn alyp shyqty. Oqıǵa ornynda 1948 jyly týǵan er adamnyń jartylaı kúıik shalǵan denesi tabyldy», - dedi N.Nurahmetov.

Sondaı-aq resmı ókildiń aıtýynsha, órt sóndirýshiler jetkenshe úıde bolǵan 14 jastaǵy qyz jalyndaǵan úıdiń terezesinen 2015 jyly týǵan eki sińlisin alyp shyqqan.

«Órttiń shyǵý sebebi men shyǵyn kólemi anyqtalýda. Jalynmen kúreske Pavlodar oblystyq TJD-nyń 22 adamy men 9 tehnıkasy jumyldyryldy», - dedi ol. 

 

 

Joǵary qaraı